За студзень—чэрвень гэтага года ў цэнтральны апарат Камітэта дзяржкантролю ў Мінску паступілі 2.256 пісьмовых зваротаў, што на 22% менш, чым у першым паўгоддзі мінулага.
Як паведаміла прэс-служба КДК, скарацілася колькасць зваротаў, што паступілі з усіх абласцей, найбольшае скарачэнне адзначана па Гродзенскай (на 47,4%) і Віцебскай (на 36,9%) абласцях. Колькасць зваротаў у камітэты дзяржкантролю абласцей і міжрайкамітэты дзяржкантролю скарацілася на 37%.
Большасць зваротаў, што паступілі ў КДК, традыцыйна звязана з жыллёвымі, камунальна-бытавымі, зямельнымі пытаннямі. Пасля разгляду зваротаў, частка якіх адпраўлена на рэагаванне кампетэнтным арганізацыям, а частка — разгледжана непасрэдна спецыялістамі КДК, да вінаватых асоб прыменены меры адказнасці, прадугледжаныя законам, зазначыла прэс-служба.
Па выніках разгляду зваротаў, узятых на кантроль у цэнтральным апараце КДК, 19,6% — атрымалі станоўчае вырашэнне, па 66,7% зваротаў грамадзянам дадзены растлумачэнні.
Дзяржорганы, у тым ліку КДК, у чэрвені правялі спецыяльны рэспубліканскі маніторынг працы з грамадзянамі. «Аналіз зваротаў грамадзян, што паступілі ў Камітэт дзяржкантролю, а таксама вынікі маніторынгу паказваюць, што прынятыя меры садзейнічалі скарачэнню колькасці зваротаў», — зазначыла прэс-служба. Разам з тым, павелічэнне на 8% колькасці лістоў, якія тычацца дзейнасці дзяржаўных органаў, гаворыць пра тое, што «прынятыя намаганні не заўсёды дастатковыя».
-
На беларускіх аўтамагістралях паставяць чырвона-зялёную лазерную сістэму апавяшчэння
-
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі
-
На «Белсаце» запусцілі шоу доўгіх гутарак з Глафірай Жук
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1
Каментары