Міжнародны літаратурны фестываль пройдзе 8 і 9 верасня.
8—9 верасня ў Мінску пройдзе міжнародны літаратурны фестываль “Вялікае Княства Паэзіі”, прысвечаны 100-годдзю нобелеўскага лаўрэата Чэслава Мілаша.
Удзел бяруць паэты
Наталля Гарбанеўская (Польшча/Францыя/Расія), Рышард Крыніцкі, Яцэк Гутараў (Польшча), Эўгеніюс Алішанка, Вітас Дэкшніс, Данатас Пятрошус (Літва), Марыяна Кіяноўская, Алег Лышэга (Украіна), Уладзімір Арлоў, Ігар Бабкоў, Марыя Мартысевіч, Алесь Разанаў, Віталь Рыжкоў, Андрэй Хадановіч (Беларусь).
Падчас фестывалю будзе прэзентаваны чатырохтомнік твораў мілаша ў перакладзе на беларускую мову. У чатырохтомнік увойдуць найважнейшыя паэтычныя зборнікі Мілаша, а таксама тры тамы эсэістыкі — ад аўтабіяграфічнай прозы да філасофскіх эсэ.
«Чытаючы Мілаша ніколі не адчуваеш дыстанцыі. — кажа Андрэй Хадановіч. — Я, напрыклад, калі чытаю гэтыя вершы, пачынаю адчуваць іх фізіялагічна: колер, смак, пах.
Такая паэзія ўспрымаецца вачыма, вушамі — атрымліваецца сапраўднае пагружэнне. І калі Мілаш піша пра катастрофы, і калі ён піша пра радасць жыцця. Ну і беларусам дакладна будуць блізкія матывы Мілаша: ён таксама адкрыты і талерантны да ўсяго новага. Усё жыццё ён дбаў не пра Заходнюю ці Ўсходнюю Еўропу, а пра Еўропу „нашу“ — вось пра гэтую прастору ад Расіі да Нямеччыны».
Расклад імпрэзаў
8 верасня, Беларуская дзяржаўная акадэмія музыкі (18.30):
Адкрыццё выставы "Чэслаў Мілаш",
Прэзентацыя беларускага чатырохтомніка Чэслава Мілаша: “Выратаванне”, “Даліна Ісы”, “Родная Еўропа” і “Зямля Ульра”,
Паэты-ўдзельнікі фестывалю, перакладчыкі мілашаўскай паэзіі і акторы Купалаўскага тэатра чытаюць творы Мілаша на сваіх мовах,
Прэзентацыя аўдыёкнігі Чэслава Мілаша “Чалавек шматпавярховы”: Андрэй Хадановіч і гурт “Рацыянальная дыета”.
9 верасня, Галерэя “Ў” (11.00):
Круглы стол “Мілаш шматпавярховы” з удзелам паэтаў, перакладчыкаў, інтэлектуалаў з Беларусі, Літвы, Польшчы і Украіны.
9 верасня, Дом культуры ветэранаў (19.00):
Паэты-ўдзельнікі фестывалю чытаюць свае вершы. У межах імпрэзы: прэзентацыі кнігі Марыі Мартысевіч “Амбасада” і Віталя Рыжкова “Дзверы, замкнёныя на ключы”.
Таццяна Беланогая спявае свае песні на словы Чэслава Мілаша.
Уваход на ўсе імпрэзы фестывалю вольны.
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары