У Эўропе ураган "Кірыла" спыніў самалёты, у Беларусі абвешчана штармавое папярэджаньне
Сёньня ў Беларусі чакаецца моцны ўраганны вецер. Ягоныя парывы могуць сягаць 108 км/г.
У Беларусі 19 студзеня аб’яўлена штармавое папярэджанне, паведаміла карэспандэнту БЕЛТА галоўны сіноптык Рэспубліканскага гідраметэацэнтра Вольга Фядотава.
Паводле слоў спецыяліста, 19 студзеня ў сувязі з перамяшчэннем магутнага атлантычнага цыклону праз Балтыйскае мора і Латвію на ўсход у Беларусі чакаюцца складаныя ўмовы надвор’я. Цыклон прынясе моцныя паўднёва‑заходнія з пераходам на паўночна‑заходнія вятры, з парывамі да 15‑22 метраў у секунду. На большай частцы тэрыторыі краіны парывы ветру будуць дасягаць амаль ураганнай сілы ‑ 25‑30 метраў у секунду. Пры гэтым тэмпература паветра складзе 3‑8 градусаў цяпла, а днём па паўночнай палавіне ‑ да нуля ‑ плюс 2 градусаў.
Пройдуць дажджы, днём ‑ мокры снег. Ноччу па паўночнай палавіне рэспублікі ападкі будуць моцныя, днём месцамі завіруха, адзначыла Вольга Фядотава.
У суботу, 20 студзеня, вецер пачне слабець, аднак ноччу яго парывы яшчэ будуць дастаткова моцныя ‑ да 15‑20 метраў у секунду. У многіх раёнах падмарозіць да нуля ‑ мінус 4 градусаў. На асобных участках дарог галалёдзіца. Днём тэмпература паветра будзе вагацца ад мінус 1 градуса да плюс 5 градусаў. Ноччу на большай частцы тэрыторыі краіны, а днём у асобных раёнах пройдзе мокры снег.
У нядзелю, 21 студзеня, атмасферны фронт, што перамяшчаецца з Заходняй Еўропы, зноў прынясе ў Беларусь ападкі, пераважна ў выглядзе мокрага снегу, які будзе змяняцца дажджом. Чакаецца парывісты заходні вецер. На працягу сутак тэмпература паветра складзе ад нуля да плюс 6 градусаў. Ноччу па ўсходзе краіны будзе да мінус 3 градусаў.
Паводле прагнозаў сіноптыкаў, у пачатку наступнага тыдня месцамі пройдзе мокры снег. Да 23 студзеня тэмпература паветра панізіцца да 1‑6 градусаў марозу. Днём яна будзе блізкая да нуля. На дарогах галалёдзіца. Вецер пачне слабець.‑0‑
❏
Ураган "Кірыла" 18 студзеня прыйшоў у Эўропу, дзе крышыць усё, што трапляецца на ягоным шляху. Хуткасьць парываў ветру ў Нідэрляндах, Бэльгіі, Вялікабрытаніі, прыморскіх раёнах Нямеччыны і Францыі дасягнула 150 км/г. У Нідэрляндах адмененыя заняткі ў школах і праведзена эвакуацыя насельніцтва з узьбярэжжа. Ёсьць чалавечыя ахвяры. Падрабязьней.
❏
Будзьце асьцярожнымі! І без патрэбы не выходзьце на вуліцу.
Цяпер чытаюць
Полк Каліноўскага паведаміў пра гібель трох байцоў2
Каментары