Мікіта Ліхавід: Мяне не толькі незаконна асудзілі, але і вызвалілі
заявіў 16 верасня напрэс-канферэнцыі ў Мінску актывіст апазіцыі Мікіта Ліхавід.
Ён быў прыгавораны па справе аб масавых беспарадках 19 снежня ў Мінску да трох з паловай гадоў калоніі ўзмоцненага рэжыму. 14 верасня Ліхавід быў вызвалены на падставе ўказа Аляксандра Лукашэнкі аб памілаванні.
Актывіст паведаміў, што 81 дзень правёў у штрафным ізалятары, гэта значыць з’яўляўся злосным парушальнікам, а таму не трапляў ні пад адзін артыкул аб памілаванні. Ён падкрэсліў, што ніколі б не стаў прасіць аб памілаванні прэзідэнта, калі ім з’яўляецца Лукашэнка.
Ліхавід звярнуўся да «супрацоўнікаў палітычнага аддзела КДБ, некаторых супрацоўнікаў АМАПа, іншых сілавых структур, палітычных дзеячаў, чыноўнікаў, на якіх трымаецца рэжым».
«Яны павінны разумець, што не ўсё вечна, што надыдзе час, калі ім давядзецца адказваць за свае дзеянні, давядзецца за ўсё плаціць.Магчыма, калі зменіцца палітычны рэжым, ім удасца ўцячы з краіны, пазбегнуць адказнасці. Але турма не самае страшнае пакаранне. Самае страшнае, калі імя чалавека аказваецца ў забыцці», — сказаў ён.
На думку Ліхавіда, тыя, на кім трымаецца сённяшні рэжым, «павінны ведаць, што яны самі ўтапталі свае імёны ў бруд». «Памятайце пра сваіх дзяцей, якім будзе сорамна за вас, за прозвішчы, якія яны носяць. Вас нельга назваць людзьмі, таму што вы адпраўляеце людзей на катаванні. Вы парушаеце не толькі юрыдычныя законы, але і маральныя. Ніводзін нармальна выхаваны чалавек не будзе рабіць тое, што робіць сённяшні рэжым», — мяркуе ён.
-
Томас Венцлава: «Літва і Беларусь ніколі не варагавалі. Гэта рэдкі выпадак для адносін двух народаў»
-
Фядута — Калеснікавай: Машанька, ці вярніцеся на Месяц, ці не вучыце жыць тых, хто стаміўся набіваць гузы ад чарговага наступання на граблі
-
Мінску трэба выдушыць з сябе правінцыйнасць і вярнуць нахабства і бляск Вялікага Горада
Цяпер чытаюць
Міністр сувязі: Абмежаванні мабільнага інтэрнэту закрануць 1,7 мільёна беларусаў15
Каментары