А калі паглядзець на заробак у беларускіх рэгіёнах, можна прыйсці да высновы, што прыбыткі шматлікіх суайчыннікаў упалі да таджыкскіх.
Даходам беларусаў сёння не пазайздросціш. Паводле ўзроўню сярэдняй зарплаты, калі пералічыць яе паводле рынкавага курса, Беларусь апынулася ў хвасце краін СНД. Менш за нас зарабляюць толькі ў Таджыкістане, дзе сярэдні заробак складае 90 даляраў.
Зрэшты, калі паглядзець на заробак у беларускіх рэгіёнах, можна прыйсці да высновы, што прыбыткі шматлікіх суайчыннікаў ўжо знізіліся да таджыкскага ўзроўню.
У пачатку года Беларусь уваходзіла ў тройку вядучых краін СНД па ўзроўню даходаў насельніцтва. Цяпер сітуацыя змянілася з дакладнасцю да наадварот - мы апынуліся ўнізе рэйтынгу і ўваходзім у тройку краін СНД з самай нізкай заработнай платай. А ўсё таму, што прыбыткі нашага насельніцтва ў даляравым вылічэнні знізіліся з пачатку года ў два з паловай разы. Калі ў снежні 2010 г. сярэдні заробак у краіне быў эквівалентны 527 далярам, то сярэдняга ліпеньскага заробку хопіць на набыццё ў лепшым выпадку 218 даляраў.
Аналізуючы вышэйпрыведзеныя звесткі, варта адзначыць, што заробак памерам не менш сярэдняга ў Беларусі атрымліваюць далёка не ўсё. Нядаўняе даследаванне Белстата паказала, што ў маі
больш за 28% насельніцтва атрымлівалі заробак ад 1 да 1,5 млн. рублёў, а 30,5% работнікаў (як правіла, супрацоўнікі бюджэтных арганізацый) зараблялі менш за мільён рублёў.Стаўка першага разраду сёлета пакуль не ўздымалася, такім чынам, можна выказаць здагадку, што многія беларусы працягваюць зарабляць менш за мільён рублёў. А гэта, з улікам рыначнага курсу даляра, эквівалентна даходам у самай беднай краіне СНД - Таджыкістане.
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары