Пяты дзень працэсу аб выбухах у мінскім метро.
21 верасня на судовым працэсе па справе аб выбухах у Мінску і Віцебску зачытваюцца пратаколы допытаў галоўнага падазронага Дзмітрыя Канавалава, праведзеныя 13 і 18 красавіка.
Падчас допыту 18 красавіка Канавалаў адмовіўся ад дадзеных раней паказанняў аб сваёй замешанасці ў выбухах у Віцебску ў 2005 годзе.
Следчаму ён заявіў, што раней прызнаўся ва ўчыненні гэтых злачынстваў пад уціскам супрацоўнікаў міліцыі пасля затрымання 12 красавіка.На пытанне следчага, у чым уціск, Канавалаў адказаў: «Прымяненне катаванняў».
Ён расказаў, што ўсё адбывалася ў памяшканні Галоўнага ўпраўлення па барацьбе з арганізаванай злачыннасцю і карупцыяй МУС. Двое супрацоўнікаў міліцыі паклалі яго на жывот, рукі ў наручніках зацягнулі пад складзеныя ззаду накрыж ногі. Паводле слоў Канавалава,
яму сказалі, каб ён даў паказанні па выбухах у Мінску ў 2011 і 2008 гадах і ў Віцебску ў2005-м .
Разам з тым на гэтым жа допыце Канавалаў заявіў, што прызнае сваю замешанасць у выбухах у Мінску ў 2008 і 2011 гадах.
У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр3
Каментары