Ягоныя «Тёмная ночь», «Шаланды», «Я люблю тебя, жизнь» перапяваюць дагэтуль.
21 верасня спаўняецца 100 год з дня нараджэння найвядомейшага савецкага акцёра і спевака Марка Бернэса.
Пачынаў Марк як акцёр. З юначых гадоў быў на тэатральных сцэнах. У 24 гады пачаў здымацца ў кіно. Першая вядомасць прыйшла з даваеннымі фільмамі. Песню маладога лётчыка з фільма «Знішчальнікі» «Любимый город может спать спокойно…» спявалі, як кажуць, ад Масквы і да самых да ўскраін. Але сапраўдную славу і ўсенародную любоў прынесла ваенная стужка «Два байца» рэжысёра Леаніда Лукава. У ёй Бернэс выканаў ролю адэсіта Аркадзя Дзюбіна. За песню «Шаланды» акцёру надалі статус ганаровага грамадзяніна Адэсы, у якой ён да таго ні разу не быў. Пазней за гэтую ж песню яго на пэўны час выціснулі з радыё і сцэны.
Марк Бернэс памёр у 1969 годзе, але ягоная творчасць запатрабаваная дагэтуль. І не толькі на постсавецкай прасторы. З песні «Тёмная ночь» пачынаецца чорная камедыя «30 дзён да світання» шведскага рэжысёра Андэрса Банке. Яна вельмі арганічна ўпісваецца ў стужку, якая пачынаецца з падзеяў 1943 года ў акупаванай Украіне.
* * *
Марк Навумавіч Бернэс (сапраўднае прозвішча — Нэйман) нарадзіўся 21 верасня 1911 года ў Нежыне (Чарнігаўшчына, Украіна). Юнаком, калі сям’я пераехала ў Харкаў, уладкаваўся ў тэатр. У 17 год перабраўся ў Маскву, дзе таксама працаваў у тэатрах. З 1935 г. пачаў здымацца ў кіно.
-
Ультраправыя прывезлі ў Вену ўласную скульптуру Яна III Сабескага. Горад адмаўляецца ставіць афіцыйны помнік свайму вызваліцелю з-за страху ісламафобіі
-
Пышная «Лэдзі ў сінім». Скульптура чарнаскурай жанчыны на Трафальгарскай плошчы падзяліла мастацкіх крытыкаў
-
У фонд Музея Марка Шагала ў Віцебску ўпершыню паступілі работы Восіпа Цадкіна
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары