Jahonyja «Tiomnaja noċ», «Šałandy», «Ja lublu tiebia, žizń» pierapiavajuć dahetul.
21 vieraśnia spaŭniajecca 100 hod z dnia naradžeńnia najviadomiejšaha savieckaha akciora i śpievaka Marka Biernesa.
Pačynaŭ Mark jak akcior. Ź junačych hadoŭ byŭ na teatralnych scenach. U 24 hady pačaŭ zdymacca ŭ kino. Pieršaja viadomaść pryjšła z davajennymi filmami. Pieśniu maładoha lotčyka ź filma «Źniščalniki» «Lubimyj horod možiet spať spokojno…» śpiavali, jak kažuć, ad Maskvy i da samych da ŭskrain. Ale sapraŭdnuju słavu i ŭsienarodnuju luboŭ pryniesła vajennaja stužka «Dva bajca» režysiora Leanida Łukava. U joj Biernes vykanaŭ rolu adesita Arkadzia Dziubina. Za pieśniu «Šałandy» akcioru nadali status hanarovaha hramadzianina Adesy, u jakoj jon da taho ni razu nie byŭ. Paźniej za hetuju ž pieśniu jaho na peŭny čas vycisnuli z radyjo i sceny.
Mark Biernes pamior u 1969 hodzie, ale jahonaja tvorčaść zapatrabavanaja dahetul. I nie tolki na postsavieckaj prastory. Ź pieśni «Tiomnaja noċ» pačynajecca čornaja kamiedyja «30 dzion da śvitańnia» šviedskaha režysiora Andersa Bankie. Jana vielmi arhanična ŭpisvajecca ŭ stužku, jakaja pačynajecca z padziejaŭ 1943 hoda ŭ akupavanaj Ukrainie.
* * *
Mark Navumavič Biernes (sapraŭdnaje proźvišča — Nejman) naradziŭsia 21 vieraśnia 1911 hoda ŭ Niežynie (Čarnihaŭščyna, Ukraina). Junakom, kali siamja pierajechała ŭ Charkaŭ, uładkavaŭsia ŭ teatr. U 17 hod pierabraŭsia ŭ Maskvu, dzie taksama pracavaŭ u teatrach. Z 1935 h. pačaŭ zdymacca ŭ kino.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal5
Kamientary