У Віцебскім абласным краязнаўчым музеі праходзіць выстава «Парк юрскага перыяду». На ёй выстаўлены дзевяць муляжоў дыназаўраў у натуральную велічыню з калекцыі мастака Уладзіміра Найбіча з горада Бяроза Брэсцкай вобласці.
Дагістарычныя рэптыліі, якія ўражваюць сваім памерам і амаль натуральным выглядам, занялі дзве музейныя залы. Каля кожнага яшчара ўстаноўлены таблічкі з апісаннем яго параметраў, арэала пражывання, павадак і смакавых пераваг. Тут можна ўбачыць, як выглядалі цынадонт, пцеразаўр, сарказаўр, спіназаўр, эйніязаўр, цылафізіс, дзейнаніх, эўплацыфал, тыраназаўр. Асобны «сюжэт» выставы — нараджэнне маленькага дыназаўрыка, дзіцяняці дыназаўра, які вылупляецца з вялікага яйка. Экспазіцыю дапаўняе
Муляжы дыназаўраў мастак вырабляе з дапамогай металічнага каркаса, які пакрывае пенапластам, мантажнай пенай, гнуткім пластыкам. Затым «цела» рэптыліі шліфуецца і абцягваецца скурзаменнікам, дэрматынам і фарбуецца маслянымі ці акрылавымі фарбамі. Дэталі — сківіцы, зубы, вочы — робяцца з пчалінага воску ці пластыку.
Каб «вылепіць» толькі адно дзіцяня дыназаўра, Уладзімір Найбіч патраціў два месяцы. У працы яму дапамагае жонка Таццяна і трое дзяцей. На стварэнне ўсіх дзевяці яшчараў «Парка юрскага перыяду» ў сям`і пайшлі тры гады. Некалькі гадоў таму муж і жонка Найбічы заняліся выставачнай дзейнасцю, і гэтая экспазіцыя падарожнічае па розных гарадах Беларусі. У калекцыі самадзейных мастакоў з Бярозы ёсць не толькі макеты дыназаўраў, але і гіганцкіх матылёў, жукоў і рыб, якія жылі ў дагістарычны перыяд.
Убачыць выставу дыназаўраў у Віцебску можна да 10 студзеня.
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны29
Каментары