U Viciebsku pakazali ŭ naturalnuju vieličyniu dynazaŭraŭ ź Biarozy
U Viciebskim abłasnym krajaznaŭčym muziei prachodzić vystava «Park jurskaha pieryjadu». Na joj vystaŭleny dzieviać mulažoŭ dynazaŭraŭ u naturalnuju vieličyniu z kalekcyi mastaka Uładzimira Najbiča z horada Biaroza Bresckaj vobłaści.
Dahistaryčnyja reptylii, jakija ŭražvajuć svaim pamieram i amal naturalnym vyhladam, zaniali dźvie muziejnyja zały. Kala kožnaha jaščara ŭstanoŭleny tablički z apisańniem jaho paramietraŭ, areała pražyvańnia, pavadak i smakavych pieravah. Tut možna ŭbačyć, jak vyhladali cynadont, pcierazaŭr, sarkazaŭr, śpinazaŭr, ejnijazaŭr, cyłafizis, dziejnanich, eŭpłacyfał, tyranazaŭr. Asobny «siužet» vystavy — naradžeńnie maleńkaha dynazaŭryka, dzicianiaci dynazaŭra, jaki vyłuplajecca ź vialikaha jajka. Ekspazicyju dapaŭniaje
Mulažy dynazaŭraŭ mastak vyrablaje z dapamohaj mietaličnaha karkasa, jaki pakryvaje pienapłastam, mantažnaj pienaj, hnutkim płastykam. Zatym «cieła» reptylii šlifujecca i abciahvajecca skurzamieńnikam, dermatynam i farbujecca maślanymi ci akryłavymi farbami. Detali — skivicy, zuby, vočy — robiacca z pčalinaha vosku ci płastyku.
Kab «vylepić» tolki adno dziciania dynazaŭra, Uładzimir Najbič patraciŭ dva miesiacy. U pracy jamu dapamahaje žonka Taćciana i troje dziaciej. Na stvareńnie ŭsich dzieviaci jaščaraŭ «Parka jurskaha pieryjadu» ŭ siam`i pajšli try hady. Niekalki hadoŭ tamu muž i žonka Najbičy zanialisia vystavačnaj dziejnaściu, i hetaja ekspazicyja padarožničaje pa roznych haradach Biełarusi. U kalekcyi samadziejnych mastakoŭ ź Biarozy jość nie tolki makiety dynazaŭraŭ, ale i hihanckich matyloŭ, žukoŭ i ryb, jakija žyli ŭ dahistaryčny pieryjad.
Ubačyć vystavu dynazaŭraŭ u Viciebsku možna da 10 studzienia.
Kamientary