Год таму ён паказаў заўзятарам свой голы азадак.
Адразу пасля матчу БАТЭ - «Гомель» (0:0) паўабаронца барысаўскага клуба Філіп Рудзік накіраваўся да сектара фанатаў барысаўскай каманды і з дапамогай гучнаўзмацняльніка папрасіў у іх прабачэння за леташні ўчынак, паведамляе champ.by.
«Дарагія заўзятары, я хачу выбачыцца перад вамі за тую выхадку, якую я зрабіў у мінулым сезоне. Прабачце мяне, калі ласка. Я вас вельмі люблю», - сказаў Рудзік.
Нагадаем, летась тады яшчэ паўабаронца «Нафтана» Рудзік паказаў голы азадак заўзятарам на трыбунах гарадскога стадыёна ў Барысаве.
Інцыдэнт здарыўся падчас матчу 24-га тура чэмпіянату БАТЭ - «Нафтан» (1:0) 11 верасня 2010 г. Заўзятары, якія прысутнічалі на матчы, сцвярджалі, што барысаўскія фанаты пасля матчу асвісталі замененага на 88-й хвіліне Філіпа Рудзіка, пасля чаго футбаліст зняў трусы і паказаў трыбунам свой зад. Частка заўзятараў была абураная, частка паставілася да выхадкі футбаліста з гумарам, сцвярджаючы, што «Рудзік паказаў свой сапраўдны твар».
Паўабаронца быў аштрафаваны на 350 тысяч рублёў.
Цяпер чытаюць
«Патрабавалі, каб я з калегамі пры дзецях па-беларуску не размаўляла». Ці сутыкаюцца беларускамоўныя з булінгам у краіне9
Каментары