Урад загадаў «Беларусбанку» прыпыніць льготнае крэдытаванне дольшчыкаў
З 10 кастрычніка і як мінімум да канца года банк не будзе пералічваць сродкі на будаўніцтва дамоў, якія здаюцца ў эксплуатацыю ў 2012 годзе і пазней.
Урад Беларусі прыняў рашэнне ў аднабаковым рэжыме спыніць льготнае крэдытаванне на будаўніцтва дамоў, якія здаюцца ў эксплуатацыю ў 2012 годзе і пазней. Такі загад аддадзены «Беларусбанку». Гэта вынікае з пратакола пасяджэння Савета Міністраў № 41 ад 27 верасня 2011 года.
У п.4.1.2 гэтага дакумента адзначана:
«Да вызначэння аб’ёмаў фінансавання жыллёвага будаўніцтва на 2012 год: ААТ «Беларусбанк» прыпыніць… ільготнае крэдытаванне будаўніцтва жылля, увод якога прадугледжваецца ў 2012 і наступным гадах».
Іншымі словамі,
беларусы, якім дзяржаўны банк, згодна з дамовай, павінен пералічваць грошы ў тры наступныя месяцы, не атрымаюць ні рубля.За гэты час іх кватэры істотна падаражэюць, але розніцу ў кошце давядзецца аплачваць сваімі сродкамі.
Справа ў тым, што ў кошт большасці кватэр індэксуецца штомесяц. Неаплачаная сума множыцца на індэкс
Гэтыя грошы будзе вымушаны заплаціць будучы ўласнік кватэры са сваіх сродкаў.
У дамовах ўдзельнікаў долевага будаўніцтва ніколі не ўдакладняецца, адкуль будуць прыходзіць грошы, ці ад банкаў, ці ад саміх людзей. У той жа час пры парушэнні тэрмінаў аплаты на працягу некалькіх месяцаў забудоўшчык мае права разарваць дамову.
Фактычна «Беларусбанк» стварае для забудоўшчыкаў юрыдычную магчымасць адмовіцца ад старых дольшчыкаў і заключыць новыя дамовы, ужо па павялічаных коштах.
Згодна з дакументам, з 1 студзеня 2012 года выплаты павінны аднавіцца, але, калі эканамічная сітуацыя ў краіне застанецца нявызначанай, магчыма далейшае «замарожванне» крэдытных выплат.
Цяпер чытаюць
Зміцер Дашкевіч сказаў, што трэба рабіць беларусам зараз, каб краіна стала свабоднай і незалежнай11
Каментары