«Час»: Марксісцкая антыўтопія для гангстэраў-«акупантаў»
ЗША, 2011, каляровы, 109 хв.
Рэжысёр: Эндру Нікал
Ролі выконваюць: Джастын Цімбэрлэйк, Аманда Сайфрэд, Кіліан Мэрфі, Алекс Пэціфер, Алівія Ўальд
Жанр: Фантастычны трымценнік-антыўтопія
Адзнака: 6,5 (з 10)
У прышлым усе дарослыя выглядаюць на 25 гадоў. Каб жыць далей, яны мусяць набываць час. У бедных у запасе толькі гадзіны й суткі, а багацеі цешацца стагоддзямі. Уіл — хлопец з працоўнага гета, які трапіў у квартал для багатых дый уцёк з дачкой фінансіста. Цяпер закаханая парачка — пагроза для ўсёй сістэмы.
Фільм новазеландца Эндру Нікала, якога заўжды цікавілі няправільныя сусветы, — гэта
марксісцкая антыўтопія для гангстэраў-«акупантаў».Паўтары стагоддзі таму адзін барадаты дзядзечка з «Капіталам» у рукох распавядаў, як буржуа высмоктваюць час у працоўных. Нікал гэтую метафару ўвасобіў. Час у фільме купляецца, крадзецца і прадаецца. Філіжанка кавы — чатыры хвіліны, машына — 59 гадоў, квіток на аўтобус — дзве гадзіны (кошты заўжды растуць).
У гэтым свеце бедныя дахадзягі спяшаюцца, а несмяротныя багацеі — нудзяцца ад вечнасці. Перапады часу выбухаюць гангстэрскім экшэнам: героі стужкі вядуць сябе, як «Бонні і Клайд».
Але ў гэтых добрых разбойнікаў, якія заклікаюць да «акупацыі» багатых раёнаў, заўжды добры макіяж і фрызура.Падстрыжана-змрочная карціна Нікала занадта гламурная й добра прадаецца.
Гледачам яна абыйдзецца ў 109 хвілінаў.
Цяпер чытаюць
Шакуючая страта года, таямнічыя знікненні, дыкпікі і дэпартацыі — асноўныя людзі і падзеі 2025 года5
Каментары