«Спадар Лукашэнка, дакажыце, што вы мужчына», — звяртаецца жонка палітыка.
Ірына Халіп заявіла, што на Андрэя Саннікава ўзрастае з кожным днём ціск за кратамі.
«На сёння ён канчаткова прыйшоў да высновы, што рэжым не спыніцца і перад фізічнай ліквідацыяй».
Па словах жонкі палітыка, на мінулым тыдні ў памяшканне камернага тыпу, у якім знаходзіцца Саннікаў, падсадзілі чалавека, хворага на сухоты. Невядома, з адкрытай ці закрытай формай. Пасля гэтага хворага замянілі на асуджанага з «нізкім статусам». «Гэта адна са спробаў правакацый. Андрэй, безумоўна, адрэагаваў адразу: абвясціў сухую галадоўку, напісаў заяву на імя начальніка калоніі, што не будзе знаходзіцца ў гэтай камеры. І чалавека хуценька прыбралі. З майго пункту погляду, гэта была дэманстрацыя: у нас ёсць вось такія метады. Мы можам заразіць цябе сухотамі, можам дыскрэдытаваць — знішчыць рэпутацыю сярод асуджаных».
Андрэю Саннікаву сказалі, што ёсць адзіны выхад з сітуацыі — напісаць прашэнне аб памілаванні.
А ў выпадку шуму ў СМІ з нагоды парушэння яго правоў, адміністрацыя калоніі заявіць аб пагрозе яго жыццю, і што ў калоніі не ў стане гарантаваць яго бяспеку. І Андрэй паедзе далей па этапе — будзе «матляцца» па перасылках увесь тэрмін.
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна13
Каментары