Па выніках мінулага навучальнага года адлічана амаль 15 тыс. студэнтаў
Пра гэта заявіў першы намеснік міністра адукацыі Аляксандр Жук 11 лістапада на брыфінгу ў Мінску.
Паводле яго слоў, у апошнія гады ў Беларусі з ВНУ адлічваецца «даволі шмат» студэнтаў, у тым ліку першакурснікаў. Як правіла, большасць адлічваецца па непаспяховасці. Гэта ў першую чаргу тыя студэнты, якія мелі нізкія балы пры паступленні. «Ёсць выпадкі, калі абітурыент, маючы 1, 2, 3 балы (са 100 магчымых па адным прадмеце), станавіўся студэнтам», — сказаў Жук. Такія абітурыенты «быццам бы залічаны, але па сваім узроўні падрыхтоўкі не цягнуць, у выніку
Ён паведаміў, што ў сувязі з гэтым у прапановах па змяненні правілаў прыёму паступлення ў ВНУ прадугледжаны патрабаванні да ўзроўню ведаў абітурыента: плануецца ўстанавіць ніжні дапушчальны парог балаў на ўступных іспытах. Чакаецца, што ніжнюю мяжу балаў будзе вызначаць Міністэрства адукацыі сумесна з Дзяржаўнай камісіяй па кантролі за ходам падрыхтоўкі і правядзення ўступных іспытаў у вышэйшых і сярэдніх спецыяльных навучальных установах.
«Можа быць, будзе вызначаны нейкі адзіны працэнт ад ліку абітурыентаў, якія здаюць тэст па тым ці іншым прадмеце, ніжэй за які адзнакі будуць лічыцца адмоўнымі», — сказаў Жук. Паводле яго слоў, напэўна, ніжнія межы будуць рознымі для розных прадметаў: ёсць больш лёгкія, і больш складаныя дысцыпліны.
Цяпер чытаюць
Анжаліку Мельнікаву бачылі ў Мінску ў «Дана Моле»34
Каментары