У Брэсце да 19 гадоў пазбаўлення волі прыгавораны бомж, які забіў мужчыну
Судовая калегія па крымінальных справах Брэсцкага абласнога суда 21 лістапада вынесла прыгавор36-гадоваму бамжу. Ён прызнаны вінаватым ва ўчыненні забойства з асаблівай жорсткасцю (п. 6 ч. 2 арт. 139 КК) і крадзяжы (ч. 2 арт. 205 КК).
Як паведаміў следчы пракуратуры Брэсцкай вобласці Раман Дзямчук, які расследаваў гэтую справу, злачынства было ўчынена 1 красавіка ў Брэсце ў прыватным жылым доме.
1 красавіка паміж імі ўзнікла сварка, падчас якой пастаялец нанёс гаспадару дома некалькі ўдараў металічным ломам у вобласць галавы і шыі, прычыніў мужчыну цяжкія цялесныя пашкоджанні. Затым яшчэ жывым закапаў яго ў двары дома і ўцёк, выкраўшы камп’ютар і мабільны тэлефон пацярпелага.
Па падазрэнні ва ўчыненні забойства бомж быў затрыманы 13 красавіка ў Мінску. Да гэтага часу ён паспеў збыць украдзены камп’ютар. Тэлефон быў у яго канфіскаваны.
Судовая калегія Брэсцкага абласнога суда прыгаварыла абвінавачанага да 19 гадоў пазбаўлення волі з адбываннем пакарання ў папраўчай калоніі строгага рэжыму.
Прыгавор не набыў законную моц і можа быць абскарджаны. У момант учынення забойства бомж знаходзіўся ў стане алкагольнага ап’янення. У судзе прызнаў сваю віну часткова. Раней пяць разоў ён быў судзімы за крадзеж маёмасці.
Каментары