Расце колькасць жанчын і падлеткаў, што стаяць на ўліку ў наркадыспансеры
Колькасць мужчын, якія знаходзяцца на ўліку ў наркадыспансеры, зніжаецца, а жанчын і падлеткаў — узрастае. Гэтая тэндэнцыя актуальна як для Беларусі, так і для краін Еўропы,паведаміў галоўны нарколаг Міністэрства аховы здароўя Сяргей Осіпчык на пасяджэнні круглага стала па абмеркаванні стратэгіі ўмацавання здароўя дзяцей і маладых людзей груп рызыкі 30 лістапада ў Мінску.
«Падлеткам заўсёды хочацца паспрабаваць штосьці новае. І гэта цудоўна. Але гэта не павінна тычыцца псіхаактыўных рэчываў. Алкаголь у любым выглядзе не перастае быць алкаголем — не важна, слабаалкагольны напой ці моцны», — адзначыў Осіпчык.
Паводле звестак галоўнага педыятра Міністэрства аховы здароўя Алены Няверы, дзіцячая ахова здароўя ў Беларусі за апошні час дамаглася істотных поспехаў. «Зніжэнне паказчыкаў усіх каэфіцыентаў смяротнасці нованароджаных і смяротнасці дзяцей да 5 і да 17 гадоў, высокі ўзровень імунізацыі дзіцячага насельніцтва, стабілізацыя захворвання і зніжэнне інфекцыйнага захворвання — асноўныя дасягненні на гэты момант», — паведаміла яна.
Аднак, паводле слоў Няверы, колькасць дзіцячага насельніцтва да 14 гадоў у Беларусі за апошнія 40 гадоў паменшылася на 40%, а за апошнія пяць гадоў колькасць дзяцей да 17 гадоў знізілася амаль на чвэрць.
«Нашы станоўчыя дасягненні, асабліва ўдасканальванне тэхналогій, звязаных з працягам жыцця, прывялі да зменаў у структуры дзіцячага захворвання і інваліднасці і запатрабавалі інтэнсіўнага развіцця метадаў рэабілітацыі. Гэтым мы і будзем займацца найбліжэйшым часам», — адзначыла галоўны педыятр Міністэрства аховы здароўя.
-
«Я стаў знакамітым пісьменнікам, ён таксама знайшоў нармальную працу». Філіпенка раскрыў, што пісаў жарты для Зяленскага
-
У грамадскім транспарце Мінска ўзніклі праблемы з электроннымі праязнымі
-
Беларускаму байцу ММА, які будаваў кар’еру ў Маскве, ФСБ нечакана забараніла ўезд у Расію пасля адпачынку ў Тайландзе
Цяпер чытаюць
«Калі шандарахне па цягніку, хто будзе лідарам дэмсіл?» Два дні з дэлегацыяй Ціханоўскай у Кіеве — што засталося за кадрам28
Каментары