Найбуйнейшая сацыяльная сетка Расіі «Укантакце» вырашыла ўвесці верыфікацыю для профіляў вядомых карыстальнікаў, каб змагацца з мноствам «двайнікоў», зарэгістраваных у сетцы.
На старонцы верыфікаванага акаўнта з’явіцца спецыяльны знак, які будзе гарантаваць, што профіль насамрэч належыць вядомаму чалавеку. Каб пацвердзіць сапраўднасць асабістай старонкі ў сацсетцы, неабходна запоўніць яе згодна з правіламі рэсурсу, да таго ж мікраблог павінен рэгулярна абнаўляцца карыстальнікам.
Адміністрацыя рэсурсу адзначае, што пакідае за сабой права адмовіць у верыфікацыі акаўнта.
Аднымі з першых уладальнікаў пацверджаных профіляў сталі прэзідэнт Расіі Дзмітрый Мядзведзеў, тэлевядучая Ціна Кандэлакі, дызайнер Арцемій Лебедзеў, спявачка Вікторыя Дайнэка і іншыя.
Сістэма пацверджаных акаўнтаў таксама існуе на сэрвісе мікраблогаў Twitter і ў сацыяльнай сетцы «Аднакласнікі».
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары