Затрыманы намеснік міністра ўнутраных справаў. Яўген Полудзень падазраецца ў злоўжыванні ўладай
Генеральнай пракуратурай створана следчая група і праводзіцца расследаванне.
Генеральнай пракуратурай Беларусі 8 снежня была распачата справа па ч. 3 арт. 424 Крымінальнага кодэкса (злоўжыванне ўладай або службовымі паўнамоцтвамі) у дачыненні да намесніка міністра ўнутраных спраў — начальніка міліцыі грамадскай бяспекі Яўгена Полудня. Пра гэта паведамілі ў Генпракуратуры.
Генеральнай пракуратурай створана следчая група і праводзіцца расследаванне.
Паводле некаторых звестак, Яўген Полудзень быў затрыманы ў канцы мінулага тыдня. У дачыненні да яго абрана мера стрымання ў выглядзе зняволення пад варту. Абвінавачанне Полудню пакуль не прад’яўлена. Што канкрэтна яму інкрымінуецца, пакуль невядома.
Намеснікам кіраўніка МУС — начальнікам міліцыі грамадскай бяспекі Яўген Полудзень быў прызначаны 4 жніўня 2009 года.
Крыніцы ў Міністэрстве ўнутраных спраў заявілі СМІ, што арыштоўвалі міліцэйскага чыноўніка супрацоўнікі КДБ.
На пытанне радыё «Свабоды», ці сапраўды КДБ быў задзейнічаны ў гэтай аперацыі, начальнік цэнтра інфармацыі і грамадскіх сувязяў КДБ Аляксандр Антановіч адказаў: «Без каментароў».
Палкоўнік Полудзень быў адным з самых блізкіх людзей цяперашняга міністра ўнутраных справаў Куляшова, піша «Беларускі партызан». Полудзень быў намеснікам Куляшова, калі той працаваў начальнікам упраўлення МУС па Гомельскай вобласці. Менавіта Куляшоў і перацягнуў яго за сабой у Мінск на пасаду начальніка грамадскай бяспекі ГУУС Мінска. Затым Полудзень перайшоў на пасаду начальніка
Каментары