Каля вайскова-марской базы расійскага Ціхаакіянскага флоту прагрымеў магутны выбух
26 жніўня ў Прыморскім краі Расіі, у заліве Пятра Вялікага, адбыўся магутны выбух. Пра яго паведамілі жыхары пасёлка Валчанец, непадалёк ад якога размешчаная вайскова-марская база Ціхаакіянскага флоту ў Фокіне. Відавочцы знялі на відэа густы слуп дыму, які ўзняўся над морам, піша The Moscow Times.
Паводле сведчанняў мясцовых жыхароў, пасля выбуху ў гэтым раёне знаходзіліся вайскоўцы. Пры гэтым афіцыйных паведамленняў ад Міністэрства абароны Расіі пра здарэнне пакуль не было.
Цяпер Ціхаакіянскі флот праводзіць вучэнні. Напярэдадні супрацьлодкавыя самалёты Ту-142 шукалі падводныя лодкі каля Курыльскіх астравоў і адпрацоўвалі бамбаванне ўмоўнай варожай субмарыны. У непасрэдным раёне выбуху таксама запланаваныя тактычныя вучэнні марской авіяцыі з баявымі стрэльбамі і выкарыстаннем сродкаў паразы. Яны павінны прайсці 27—28 жніўня на марскім палігоне ў бухце Анна, прыкладна за 25 кіламетраў ад Находкі.
Ціхаакіянскі флот мае адну з найбуйнейшых груповак падводных лодак у складзе ВМФ Расіі. У жніўні 2026 года ў яго складзе было 20 субмарын. Сярод іх — пяць стратэгічных атамных падводных ракетоносцаў праектаў «Барэй» і «Барэй-А», здольных несці ядзерную зброю. Яшчэ восем лодак з'яўляюцца шматцэлевымі атамнымі, а сем — дызель-электрычнымі. Паведамляецца, што 16 з 20 субмарын знаходзіліся ў баявой гатоўнасці.
У апошнія месяцы расійскае Міністэрства абароны пачало ўсталёўваць на падводных лодках спецыяльныя канструкцыі для абароны ад беспілотнікаў. Спадарожнікавыя здымкі таксама паказвалі некалькі субмарын на камчацкай базе Ціхаакіянскага флоту, накрытых супрацьдронавымі сеткамі. Падобную абарону ўсталявалі і на базе Паўночнага флоту ў Гаджыеве Мурманскай вобласці.
Гэта адбываецца на фоне пашырэння магчымасцяў Украіны наносіць удары беспілотнікамі па аддаленых расійскіх аб'ектах. У жніўні дроны ўпершыню дасягнулі Архангельскай вобласці, якая знаходзіцца прыкладна за 1900 кіламетраў ад украінскай мяжы. Беспілотнікі таксама заўважалі над Северадзвінскам, дзе размешчаная Беламорская вайскова-марская база Паўночнага флоту. Праз пагрозу атакі 22 жніўня ў горадзе нават адмянілі масавыя мерапрыемствы.
Выбухнуў і загарэўся Амурскі газахімічны комплекс на мяжы з Кітаем за 6500 кіламетраў ад Украіны
Пакуль УСУ наносяць удары па НПЗ, Расія атакуе ўкраінскія АЗС. Якія наступствы гэтых атак?
Урад Расіі зацвердзіў падтрымку для прадпрымальнікаў, пацярпелых ад атак дронаў на Wildberries
НПЗ у Пермі спыніў працу пасля атакі ўкраінскіх беспілотнікаў
SCALP. Што вядома пра ракеты, тэхналогіі вытворчасці якіх Украіне перадаюць Брытанія і Францыя
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары
Под цвет "аквафреша" горит -
И белым, и синим, и красным
пылает, едрит-мадрид!
Двуглавый петух на гриле
шкворчит, превращаясь в угли.
Могём повторить - говорили.
Таки повторили, смогли -
И финскую, и японскую, и красный позорный афган.
и штурмы с искривленной "мосинкой"...
Ну, что ж, "удивили" врага.
Теперь бумерангом огненным
ответочка к вам парит -
Зажжённая собственным топливом,
дотла россия сгорит!!!
[Зрэдагавана]