Дачка Муамара Кадафі Аbша Кадафі звярнулася праз свайго адваката Ніка Каўфмана ў Міжнародны крымінальны суд (МКС), каб даведацца пра расследаванне гібелі бацькі.Пра гэта паведаміў у сераду сам Каўфман.
Ён напісаў пракурору МКС ліст з мэтай высветліць, ці было пачатае расследаванне па факце забойства бацькі Аішы і яе брата Муатасіма. У дакуменце падкрэсліваецца, што Муамар Кадафі і яго сын Муатасім «былі забітыя асабліва жорсткім чынам, а іх целы былі пазней выстаўленыя на ўсеагульны агляд і падвяргаліся здзеку насуперак мусульманскаму праву».
Каўфман таксама заявіў, што яго кліентка перажыла наймацнейшы нервовы стрэс пасля таго, як «фатаграфіі гэтай расправы былі паказаныя ўсяму свету». «Да гэтага часу ні Аіша, ні яе сям’я не былі праінфармаваныя вашым офісам (маецца на ўвазе МКС) аб пачатку следства для высвятлення абставінаў гэтых жорсткіх забойстваў», — гаворыцца ў лісце. Акрамя таго, адвакат збіраецца высветліць, ці праводзяць цяперашнія лівійскія ўлады ўласнае расследаванне здарэння.
Цяпер чытаюць
Андрэя Пачобута памянялі на лукашэнкаўскіх шпіёнаў, арыштаваных у Польшчы35
Каментары