З улікам пагашэння Беларуссю ўнутраных і знешніх абавязацельстваў у замежнай валюце і прыцягнення прамых замежных інвестыцый у эканоміку краіны (3,7 млрд. долараў ЗША на чыстай аснове) міжнародныя рэзервовыя актывы ў адпаведнасці з метадалогіяй МВФ на канец 2012 года складуць 6,1–7 млрд. долараў. Пра гэта БелаПАН паведамілі ў Нацыянальным банку са спасылкай на зацверджаныя 23 снежня ўказам прэзідэнта № 591 «Асноўныя кірункі
Такім чынам, на канец 2012 года аб’ём золатавалютных рэзерваў прагназуецца меншым у параўнанні з наяўным узроўнем, які складае 7,35 млрд. долараў на 1 снежня 2011 года.
Як зазначаецца ў Асноўных кірунках
яе інструменты ў 2012 годзе скіраваныя «на дасягненне мэты па абмежаванні інфляцыі з улікам наяўных знешніх і ўнутраных макраэканамічных умоў».
Нацбанк будзе працягваць выкарыстанне гібкага механізму курсаўтварэння, што дазволіць адэкватна рэагаваць на ўзаемныя ваганні курсаў асноўных валют і захоўваць унутраную і знешнюю збалансаванасць эканомікі.
Абменны курс беларускага рубля будзе фарміравацца пры мінімальным непасрэдным удзеле Нацбанка зыходзячы з попыту і прапановы замежнай валюты «пад уздзеяннем фундаментальных макраэканамічных фактараў». Нацбанк плануе праводзіць валютныя інтэрвенцыі ў абмежаваным аб’ёме і толькі ў мэтах стрымлівання рэзкіх ваганняў рублёвага кошту кошыка замежных валют.
Працэнтная палітыка ў 2012 годзе будзе скіравана на дасягненне станоўчага ўзроўню (у рэальным выражэнні) працэнтных ставак у эканоміцы як важнай умовы захаванасці зберажэнняў укладчыкаў.
З улікам зніжэння інфляцыйных працэсаў стаўка рэфінансавання да канца 2012 года складзе 20–23% гадавых.
Для рыначнага рэгулявання ўзроўню стаўкі на аднадзённым міжбанкаўскім рынку Нацбанк працягне выкарыстоўваць сістэму калідора працэнтных ставак, межы якога вызначаюцца стаўкамі па пастаянна даступных аперацыях (крэдыт овернайт і своп овернайт, дэпазіты па фіксаванай працэнтнай стаўцы ў Нацбанку).
«Крэдытная эмісія Нацыянальнага банка будзе ажыццяўляцца выключна на рыначных умовах і на кароткія тэрміны з выкарыстаннем стандартных інструментаў рэгулявання ліквіднасці банкаў», — падкрэсліваецца ў Асноўных кірунках
Цяпер чытаюць
Круіз на цеплаходзе «Белая Русь» па рэках Палесся каштуе як адпачынак у Турцыі. Але каюты на вясну-лета амаль выкупленыя13
Каментары