У ВНУ Беларусі праводзіцца маніторынг прагнозу кошту платнага навучання, паведамілі ў прэс-цэнтры Міністэрства адукацыі.
У падпарадкаваных міністэрству дзяржаўных установах вышэйшай і сярэдняй спецыяльнай адукацыі цяпер
праводзіцца маніторынг узроўню цэн на платнае навучанне, вызначаецца прагноз кошту платнага навучання на бліжэйшы час.
Маніторынг пакажа, на колькі працэнтаў могуць быць зменены цэны за навучанне.
Як адзначылі ў прэс-цэнтры, цэны могуць змяніцца з улікам прынятых урадам рашэнняў па павелічэнню тарыфнай стаўкі першага разраду з 1 студзеня 2012 года (да Br200 тыс.), па ўдасканаленні аплаты працы педагагічных работнікаў з ліку прафесарска-выкладчыцкага складу, якія не маюць вучонай ступені або вучонага звання (пастанова ўрада № 1778 ад 30 снежня 2011 года), а таксама ў сувязі з павышэннем іншых цэн і тарыфаў на работы, у тым ліку на камунальныя паслугі.
Каментары