+ фільмы
Хашчавацкі пра забарону сваіх фільмаў у Расіі: «Лабатамія» нясе моцны антыпуцінскі зарад
Чым яшчэ «Плошча» і «Лабатамія» напалохалі чыноўнікаў?
Фільмы Юрыя Хашчавацкага «Плошча» і «Лабатамія» мусілі паказаць у межах Фестываля свабоднага кіно. Фестываль праходзіць у розных гарадах Расіі напярэдадні прэзідэнцкіх выбараў. Аднак Міністэрства культуры Расіі фактычна забараніла дэманстрацыю фільмаў беларускага рэжысёра.
«Наша Ніва» звязалася з Хашчавацкім, каб даведацца, чым фільмы «Плошча» і «Лабатамія» напалохалі расійскіх чыноўнікаў.
«Яны прыдумляюць абсалютна абсурдныя нагоды, —кажа Хашчавацкі. — Я толькі што размаўляў з арганізатарам фестываляў, і ён мне расказаў пра прэтэнзіі Міністэрства культуры.
Спачатку, яны казалі, што няма дазволаў ад аўтараў фільма — але гэта няпраўда,бо дазвол я ім даў.
Тады яны прыдумалі іншае — паколькі фільмы трансляваліся на розных тэлеканалах — літоўскі, польскіх, эстонскіх і гэтакАле гэты абсалютнае глупства: фільмы там дэманстраваліся таксама з дазволу аўтараў, і ніякіх правоў на іх гэтыя каналы не маюць».далей-то арганізатары мусяць узяць дазвол у кожнага з гэтых каналаў.
«НН»: Як вы лічыце, забарона звязана ў большай ступені з расійскімі падзеямі ці з беларускім кантэкстам?
Юрый Хашчавацкі: Я лічу, што тым разам спрацаваў расійскі кантэкст. Апроч фільма «Плошча»,
у Расіі мусілі паказаць фільм «Лабатамія», які нясе моцны антыпуцінскі зарад.Канечне, дапусціць гэтага напярэдадні выбараў яны не могуць.
Фільм «Плошча» увогуле ўніверсальны — для любой краіны, дзе адбываюцца фальсіфікацыі.«Плошча» ўздымае градус народнага абурэння супраць хлусні ўладаў. Я думаю, што гэтым разам ініцыятыва забароны ішла менавіта з расійскага боку, а не з беларускага, як бывала раней.
«НН»: Ці ёсць шанцы, што паказы ўсё ж такі адбудуцца?
ЮХ: У любым разе гэтыя фільмы будуць «працаваць».
Абедзве карціны ёсць на YouTube, і выкладзены яны там неаднаразова — у фільма «Лабатамія», дарэчы, болей за 150 тысяч праглядаў.Таму калі чалавек хоча іх паглядзець, ён заўжды зможа гэта зрабіць, і без афцыйнага дазволу. Тым не менш, арганізатар фестываля будзе далей разбірацца з сітуацыяй. І фільмы, як мы спадзяемся, будуць ісці.
Цяпер чытаюць
Хто той рэдактар беларускай Вікіпедыі, якога пасадзілі на два гады за «дыскрэдытацыю Беларусі»23
Каментары