«Тэракты мелі адбыцца адразу пасля прэзідэнцкіх выбараў», — гаворыцца ў рэпартажы.
Тэрарысты рыхтавалі замах на Уладзіміра Пуціна, паведаміў раніцай у панядзелак расійскі Першы канал.
«Удзельнікі банды знаходзіліся ў міжнародным вышуку і былі затрыманыя ў Адэсе ў пачатку гэтага года. Мяркуючы па выяўленых доказах і паказаннях злачынцаў, да выбухаў у Маскве заставаліся лічаныя тыдні. Тэракты мелі адбыцца адразу пасля прэзідэнцкіх выбараў», — гаворыцца ў рэпартажы.
«Калі пасля навагодніх святаў, 4 студзеня, у адной з адэскіх кватэр прагрымеў выбух, першае, што падумалі пажарныя — выбухнуў бытавы газ.Але ўжо праз два дні пасля гэтага, 6 студзеня, Служба бяспекі Ўкраіны накіравала тэрміновую тэлеграму сваім калегам з ФСБ Расіі.
Адзін з тых, хто здымаў кватэру, пры выбуху загінуў. Яшчэ аднаго, абгарэлага, удалося выратаваць. Яго адразу ж дапыталі, бо сярод рэчаў знайшлі часткі выбуховых прылад.Мяркуючы па паказаннях Іллі П’янзіна, які выжыў у выбуху, разам з нябожчыкам Русланам Мадаевым, які пры ўзрыве загінуў, яны прыляцелі на Ўкраіну з Арабскіх Эміратаў праз Турцыю з выразнымі інструкцыямі ад прадстаўнікоў Доку Умарава», — паведамляе расійскі тэлеканал.
Адам Асмаеў, які з 2007 года знаходзіцца ў міжнародным вышуку, ахвотна супрацоўнічае са следствам, знаходзячыся ў следчым ізалятары СБУ Украіны.Як сцвярджаюць расійскія СМІ, Асмаеў спадзяецца, што гэта дапаможа яму пазбегнуць экстрадыцыі ў Расію. «Канчатковая мэта была паехаць у Маскву і паспрабаваць здзейсніць замах на прэм’ера Пуціна.
Ёсць такія міны ваеннага ўзору, якія называюцца процібортныя міны. Так што не абавязкова нават смяротнік. Загінулы, напрыклад, быў гатовы пайсці смяротнікам», — сказаў Адам Асмаеў.
Менавіта Асмаеў, які да гэтага доўгі час жыў за мяжой, у Лондане, быў сувязным тэрарыстаў у Адэсе і інструктарам. Ён павінен быў навучыць іх і пераправіць у Маскву. Увесь план падрыхтоўкі аператыўнікі знайшлі ў яго ноўтбуку, адзначаецца ў рэпартажы Першага канала.
«Сярод файлаў указаны відэа з праездам картэжа. У прыватнасці, Пуціна.Каб мелася паняцце, як сядае асоба, якую ахоўваюць, колькі машын яе суправаджае. З розных ракурсаў, з розных вуліц. Гэта значыць, людзі навучаліся не на адным прыкладзе, а на некалькіх», — паведаміў аператыўны супрацоўнік ФСБ.
«Частка дэтанатараў і пластыту была завезены ў Маскву загадзя.Разам з той выбухоўкай, якой была начыненая машына, якую супрацоўнікі ФСБ размініравалі на Прафсаюзнай вуліцы ў Маскве яшчэ ў маі 2007 года», — адзначаецца ў рэпартажы.
Разлічваючы на палёгку, сховішча выбухоўкі каля Кутузаўскага праспекта ў Маскве паказаў сам Асмаеў.«Быў бы прыстойны выбух. Дастатковы, каб развярнуць грузавую машыну», — кажа аператыўны супрацоўнік ФСБ.
Асмаеў не адмаўляе, што дасканала вывучаў шлях перамяшчэння ўрадавых картэжаў у Маскве. І прызнаўся, што падрыхтоўка да тэракта ўжо завяршалася: «Дэдлайн быў пасля выбараў прэзідэнта Расіі».
Разам з тым, уся гісторыя трохі нагадвае перадвыбарчы піяр Уладзіміра Пуціна.Перад выбарамі 2000 і 2008 года таксама паведамлялася пра падрыхтоўку замахаў на Пуціна. Нагадаем, што выбары ў Расіі адбудуцца 4 сакавіка.
Цяпер чытаюць
Сёстры Груздзевы драматычна расказалі, як іх выкінуў за дзверы міністр культуры Руслан Чарнецкі. «Як сабак»25
Каментары