Грамадзянская кампанія «Гавары праўду!» заклікае суграмадзян падтрымаць прапанову.
14 сакавіка сайт Мінгарвыканкама размясціў спіс папярэдніх назваў станцый першага ўчастка трэцяй лініі мінскага метро. Мінчанам прапанавана на працягу двух тыдняў выказаць сваё меркаванне наконт гэтых назваў.
«Абсалютная большасць [станцый], магчыма, атрымаюць дастойныя, прыгожыя назвы.
Але станцыю побач з гістарычным цэнтрам плануецца назваць вельмі нейтральна і невыразна, — «Юбілейная плошча»,— адзначаецца ў паведамленні кампаніі «Гавары праўду!». Між тым, менавіта на вуліцы Максіма Танка, якая размешчана ў раёне Юбілейнай плошчы, жыў у апошнія гады Васіль Быкаў. «Тут і цяпер жывуць яго суседзі, тут у хуткім часе будзе яго мемарыяльны музей і памятная дошка», — канстатуюць актывісты кампаніі.
* * *
«Гавары праўду!» нагадвае, што вясной 2010 года было сабрана больш за 100 тысяч подпісаў для перайменавання вуліцы Ульянаўскай у вуліцу імя Быкава і больш чым 40 тысяч подпісаў — за прысваенне імя Васіля Быкава адной з будучых станцый метро.
28 сакавіка Мінгарвыканкам падсумоўвае абмеркаванне назваў новых станцый метро. «У дэпутатаў няма аргументаў, каб адмовіць жыхарам Мінска ў гэтай просьбе: для яе выканання не спатрэбіцца штосьці пераймяноўваць, а расходы такія ж, калі нават назваць гэтую станцыю неяк інакш», — адзначае «Гавары праўду!».
Актывісты кампаніі прапануюць усім ахвотным на сайце zapraudu.info і пакідаць свае звесткі пад адпаведным зваротам. «Згодна з законам аб зваротах грамадзян ваш электронны зварот мае такую ж сілу, як і папяровы ліст», — адзначаецца ў паведамленні.
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары