Старшыня АГП Анатоль Лябедзька пасьля вызваленьня падсумаваў тое, што адбылося зь ім, Сяргеем Калякіным і Аляксандрам Атрошчанкавым у Воршы.
«Нас вялі ўжо зь Менску, і мы гэта ведалі. Мы чакалі, што на першым прыпынку могуць быць нейкія правакацыі і дзеяньні. Усё так і адбылося. Але мы не прайгралі гэтую сытуацыю. Апазыцыя ехала ў Брусэль размаўляць пра нейкія прэфэрэнцыі для краіны, пра пэрспэктыўны плян мадэрнізацыі. Лукашэнка сказаў, каб не пускалі, маўляў, рабіце, што заўгодна. Таму я раблю выснову, што Лукашэнка дбае добра пра сябе, але не пра грамадзянаў Беларусі і не пра краіну».
Карэспандэнт: «Чым патлумачыць даволі мяккі прысуд?»
Лябедзька: «Гэта выклікана тым, што „справа“ поўнасьцю развалілася. Знайшлі толькі трох міліцыянтаў, якія самі паблыталіся ў сваіх паказаньнях. А астатняе выглядала проста як шоў, камэдыйны сэрыял. Ну і вельмі вялікі рэзананс, які мы адчувалі, седзячы там, што хваля пакацілася і ня вельмі добрая для ўладаў».
Глядзі яшчэ: Атрошчанкаў: «Цягам дня гэта выглядала так, што нас проста выкралі»
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы68
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары