Выпадак здарыўся на вуліцы Райніса.
Як паведамілі ўдзельнікі форуму onliner, першым загарэўся менавіта УАЗ. Пры гэтым супрацоўнікі міліцыі былі разгубленыя і не ведалі што рабіць. «Паводле слоў ППСнікаў, яны зайшлі дадому паесці і праз 10 хвілін ужо назіралі сваю машыну палаючай, выбеглі тушыць, а па справе нічога не зрабілі, толькі праз 5 хвілін выклікалі пажарных», — напісаў shevrole.
Памочнік начальніка гарадскога ўпраўлення МНС Віталь Дэмбоўскі паведаміў, што паведамленне пра ўзгаранне паступіла ў 2:06 ночы ад відавочцаў. Калі пажарныя прыехалі на месца здарэння,
гарэлі УАЗ (2007 г. в.), Renault Espace (2008), Nissan Almera (1998), Volkswagen Transporter (2005) і Fox (2008). Агонь быў патушаны ў 2:17.
Па інфармацыі МНС, першым загарэўся менавіта УАЗ. Ён выгараў амаль цалкам, у Volkswagen Transporter пашкоджаны капот, пярэдні бампер, пярэднія фары, радыятар; у Renault — салон, элементы кузава, маторны адсек; ў Volkswagen Fox — крышка багажніка, задні бампер, заднія фары, багажнік, у Nissan — пярэдні бампер і пярэднія фары.
Каментары