Народны паэт Беларусі звяртаецца да чытачоў з нагоды выхаду кнігі «Тры мяхі дзядзькі Рыгора, альбо Сам-насам з Барадуліным».
Не ведаю, як і дзякаваць нястомнаму, працавітаму, таленавітаму Сяргею Шапрану, які з майго мармытання зрабіў цэлую кнігу.
На яе старонках я стараўся быць разумным і шчырым. Не ведаю, наколькі мне гэта ўдалося, — гэта ўжо хай чытачы мяркуюць.Калі некаму нешта спадабаецца — гэта зноў дзякуй Сяргею Шапрану!
Маэстру Сяргею,
Пану Шапрану
Спяшаю сказаць
І падзяку й пашану.
Пакуль у нас будуць
Старацца Сяргеі,
Убачыць нас плён,
Не звядуцца надзеі.
Чытачам жа хачу пажадаць веры ў наш народ, у нашу будучыню і ў саміх сябе.Без веры ў саміх сябе няма чалавека. Вера павінна быць нават на краі адчаю. Таму і маё пажаданне: хай вас трымае вера — вера ў тое, што вы ёсць, што вы будзеце, што
вы — неўміручыя.
Рыгор Барадулін
8.
* * *
Прэзентацыя кнігі-споведзі Рыгора Барадуліна — 10 мая, кнігарня «Логвінаў» (пр. Незалежнасці, 37а). 19.00.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый16
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2424
Каментары