У апублікаваным сёння штогадовым дакладзе аб сітуацыі з правамі чалавека ў свеце ў 2011 годзе праваабарончая арганізацыя «Міжнародная амністыя» (Amnesty International) зазначае, што ў Беларусі назіраліся пагаршэнне эканамічнага становішча, рост напружанасці ў грамадстве і, як вынік, яшчэ большае абмежаванне ўладамі свабоды.
«Абмежаванне свабоды слова, сходаў і асацыяцый павялічвалася на працягу года. Урад працягваў прымяненне смяротнай кары. Вязні сумлення заставаліся ў зняволенні і зведвалі катаванні і жорсткае абыходжанне. Права на справядлівы суд таксама было абмежавана», — гаворыцца ў дакуменце.
Зазначаецца, у прыватнасці, што ў 2011 годзе ў Беларусі былі пакараны смерцю два чалавекі — Алег Грышкаўцоў і Андрэй Бурдыка, прыгавораныя да смяротнай кары за забойствы. Прысуды былі прыведзены ў выкананне, нягледзячы на тое што Камітэт ААН па правах чалавека накіраваў Беларусі афіцыйную просьбу адкласці смяротную кару, пакуль у камітэце ідзе разгляд скаргаў, канстатуюць праваабаронцы. У сувязі з прымяненнем вышэйшай меры пакарання арганізацыя называе Беларусь «апошнім катам» у рэгіёне.
У дакладзе зазначаецца, што ў Беларусі адсутнічае незалежны маніторынг месцаў зняволення, усе скаргі на жорсткае абыходжанне або прымяненне катаванняў з боку супрацоўнікаў праваахоўных органаў адхіляюцца пракурорамі.
Сведчанні пра катаванні прагучалі ад
«Міжнародная амністыя» зазначае, што на канец 2011 года ў Беларусі было шэсць палітвязняў:Павел Севярынец, Мікалай Статкевіч, Зміцер Дашкевіч, Эдуард Лобаў, Андрэй Саннікаў і Змціер Бандарэнка (два апошнія адпушчаны ў сувязі з указамі прэзідэнта аб памілаванні).
У дакладзе адзначана, што ў жніўні 2011 года быў арыштаваны праваабаронца Алесь Бяляцкі, які таксама прызнаны вязнем сумлення.
На працягу ўсяго 2011 года пераслед зведвалі як зарэгістраваныя, гэтак і незарэгістраваныя праваабарончыя арганізацыі, зазначае «Міжнародная амністыя». Апрача таго, былі прыняты папраўкі ў заканадаўства аб грамадскіх аб’яднаннях, што істотна пагоршылі ўмовы іх дзейнасці, і новы закон «Аб масавых мерапрыемствах», які зрабіў яшчэ больш жорсткім парадак іх правядзення.
Гаворачы пра сітуацыю са свабодай слова, «Міжнародная амністыя» нагадвае аб прыгаворы, вынесеным судом журналісту і блогеру Андрэю Пачобуту за «абразу прэзідэнта», — тры гады пазбаўлення волі ўмоўна.
У дакладзе праваабарончай арганізацыі таксама зазначана, што шэраг адвакатаў, якія абаранялі абвінавачаных па справе аб беспарадках 19 снежня 2010 года ў Мінску, былі пазбаўлены ліцэнзіі.
Цяпер чытаюць
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары