Пяцёра ўдзельнікаў фестывалю ў Гродне трапілі ў сур'ёзнае ДТЗ
Пасажырам адной з машынаў адмовілі ў адпачынку ў Гродне, і яны скіраваліся ў дарогу.
Жыхары Ашмянаў і Маладзечна пацярпелі ў
Пасля адпачынку ў Гродне сябрам адмовілі ў начлегу ў інтэрнаце. Начаваць у машыне не хацелася, і ашмянцы вырашылі ехаць дамоў.
Мікрааўтобус «Мэрсэдэс» ехаў з Маладзечна ў Гродна. Вадзіцель, яго бацькі і жонка везлі на фестываль дэкаратыўныя вырабы. Шляхі дзвюх машын перакрыжаваліся ў Іўеўскім раёне на 143 кіламетры аўтадарогі Мінск — Гродна.
Кіроўца «Мэрсэдэса» ўбачыў «Рэно», якое ехала насустрач, за 100 метраў. Легкавушка віляла справа налева. За 50 метраў «Рэно» раптам выехала насустрач мікрааўтобусу і яго развярнула ўпоперак дарогі.
Кіроўца «Мэрсэдэса» пачаў тармазіць, але не здолеў пазбегнуць сутыкнення. Паводле паведамлення Гродзенскай абласной дзяржаўтаінспекцыі, ад удару легкавушку выкінула на супрацьлеглую абочыну, развярнула ў супрацьлеглы бок і разарвала да такой ступені, што быццам бы яе разрэзалі на часткі.
Мікрааўтобус перасек сустрэчную паласу, скаціўся ў глыбокі кювет і ўткнуўся ў зямлю. Каб яго выцягнуць, прыйшлося выклікаць трактар.
Розныя траўмы атрымалі ўсе, хто знаходзіўся ў машынах. Найбольш цяжкія — у вадзіцеляў і трох пасажыраў мікрааўтобуса.
Вядома, што пасажыр «Рэно» адразу заснуў, як толькі машына выехала з Гродна. Можна меркаваць, што неўзабаве заснуў за рулём і кіроўца легкавушкі. Гэта і стала прычынай аварыі.
Цяпер чытаюць
У Чэхіі малады беларус трапіў у кому — наглытаўся таблетак праз праблемы з легалізацыяй і разрыў з дзяўчынай7
Каментары