Пытанне палітвязняў застаецца асноўным ва ўзаемаадносінах Еўрапейскага саюза з уладамі Беларусі.Аб гэтым заявіў кіраўнік ведамства федэральнага канцлера Германіі Рональд Пофала ў ходзе сустрэчы ў Вільні вечарам 7 чэрвеня з прадстаўнікамі грамадзянскай супольнасці Беларусі, паведаміў адзін з яе ўдзельнікаў — старшыня Аб’яднанай грамадзянскай партыі Анатоль Лябедзька.
«Пофала падкрэсліў, што пытанне палітвязняў застаецца болевай кропкай ва ўзаемаадносінах Еўрапейскага саюза і афіцыйнага Мінска», — сказаў Лябедзька.
Кіраўнік ведамства федэральнага канцлера лічыць, што за гады знаходжання Аляксандра Лукашэнкі ва ўладзе сітуацыя ў Беларусі ніколі не была такой складанай і цяжкай, адзначыў Лябедзька.
«Ён падкрэсліў, што не варта спадзявацца на цуды і нейкія хуткія перамены», — сказаў лідар АГП.
Пофала закрануў пытанне прымянення ў Беларусі смяротнай кары. Паводле слоў Лябедзькі, нямецкі палітык падкрэсліў, што рабіў спробы прадухіліць нядаўнія смяротныя кары, але ў яго нічога не атрымалася.
«І ў гэтай сувязі ён заявіў, што адчувае велізарнае расчараванне»,— сказаў старшыня АГП. Кіраўнік ведамства федэральнага канцлера заявіў, што абураны «палітычнай інструменталізацыяй смяротных прыгавораў у Беларусі».
Сам Лябедзька, паводле яго слоў, у ходзе сустрэчы «зрабіў акцэнт на тым, што стратэгіяй Еўрасаюза акрамя пытання палітзняволеных могуць і павінны стаць сумленныя і свабодныя выбары па еўрапейскіх стандартах». «Гэта можа быць выйсцем з тупіка, — заявіў кіраўнік Аб’яднанай грамадзянскай партыі. — Будуць свабодныя выбары ў Беларусі — будуць перамены».
Марына Адамовіч, жонка
Падводзячы вынікі сустрэчы, Лябедзька падкрэсліў, што важны сам факт яе правядзення з нямецкім палітыкам такога высокага ўзроўню, тым больш што ініцыятыва зыходзіла ад самога Пофалы.
«Гэта яго не першая сустрэча. Ён ужо даказаў сваю зацікаўленасць беларускай праблематыкай. Калі адзін з вядучых нямецкіх палітыкаў цікавіцца Беларуссю, гэта вялікі плюс для ўсіх нас», — сказаў старшыня АГП.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары