Новы Boeing-767-300ER каштуе каля 170 мільёнаў даляраў.
БТ паказала, як «борт №1» прызямляецца ў аэрапорце Гаваны і як з трапа сходзяць Лукашэнка-бацька і Лукашэнка-сын.
Раней Аляксандр Лукашэнка лётаў на сярэднемагістральным самалёце Boeing-737, які не мог даляцець да Кубы без дазапраўкі. З гэтым быў звязаны нават канфуз, калі Канада не дала дазволу на пралёт над сваёй тэрыторыяй.
Новы лайнер Boeing-767-300ER можа праляцець без дазапраўкі і 10 400 кіламетраў. Раней ён належаў нябожчыку Сапармурату Ніязаву, прэзідэнту Туркменістана.
Пра куплю-продаж самалёта стала вядома пасля візіту цяперашняга прэзідэнта Туркменіі Бердымухамедава ў Мінск у красавіку.
Кошт новага Boeing-767 на міжнародным рынку складае ад 170 мільёнаў даляраў у залежнасці ад мадыфікацыі. «Боінг» Ніязава не новы. Затое ён быў выкананы ў VIP-варыянце: у аздабленні салона былі ўжытыя натуральная скура і каштоўныя пароды дрэва, а сантэхніку ў душавой і туалетах аздаблялі каштоўныя металы і камяні.
Акрамя таго, самалёт абсталяваны сістэмай прадухілення паражэння ракетамі класу «зямля-паветра» і «паветра-паветра», а таксама парашутным рыштункам.
Пра цану дадзенага самалёта афіцыйнай інфармацыі пакуль не было.
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1919
Каментары