Дзяржаўныя СМІ Бірмы паведамілі пра памілаванне прэзідэнтам краіны Тэйн Сейнам 46 зняволеных. Газета «Новы свет М’янмы» адзначае, што рашэнне прынята ў рамках палітыкі стабільнасці і нацыянальнага прымірэння.
Застаецца невядомым, ці будзе вызвалены нехта з вязняў сумлення, якіх міжнародныя праваабарончыя арганізацыі налічваюць сотнямі.
Паводле звестак праваабаронцаў, у Бірме каля 2000 палітычных зняволеных,сярод якіх ёсць журналісты, актывісты прадэмакратычнага руху, апаненты ўрада, манахі, якія прымалі ўдзел у антыўрадавых пратэстах у 2007 годзе, а таксама члены розных этнічных груп, якія дабіваюцца большай аўтаноміі.
У кастрычніку мінулага года Тэйн Сейн амніставаў больш за 6 тысяч вязняў турмаў, што было пазітыўна ўспрынята міжнароднай супольнасцю.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2323
Каментары