Даследаванне правёў аўтарытэтны швейцарскі інстытут радыёфізікі.
Прычынай смерці былога палесцінскага лідара Ясіра Арафата магло стаць радыёактыўнае апраменьванне палоніем. Пра гэта паведамляе тэлеканал Al Jazeera са спасылкай на вынікі ўласнага журналісцкага расследавання, якое заняло 9 месяцаў.
Па ініцыятыве Al Jazeera аўтарытэтны швейцарскі інстытут радыёфізікі ў Лазане правёў даследаванне асабістых рэчаў Арафата, якімі ён карыстаўся перад смерцю. Гаворка ідзе, у прыватнасці, пра яго вопратку, шапку, зубную шчотку.
У рэчах былога палесцінскага лідара, а таксама ў яго крыві, мачы і поце было выяўлена павышанае ўтрыманне радыеактыўнага элементупалоній-210 , якое і магло справакаваць рэзкае і незразумелае да гэтага часу пагаршэнне стану здароўя75-гадовага Арафата.
Медыкі падкрэсліваюць, што для канчатковага заключэння аб прычынах смерці палітыка ім неабходна правесці аналізы узораў костак і зямлі з яго магілы. Калі гэта таксама выявіць павышанае ўтрыманне палонію,
то можна будзе казаць пра тое, што Ясір Арафат сапраўды быў атручаны.
Удава былога палесцінскага лідара Суха ўжо звярнулася да Палесцінскай нацыянальнай адміністрацыі з просьбай правесці эксгумацыю.
***
Ясір Арафат памёр у снежні 2004 года ў ваенным шпіталі пад Парыжам, куды ён быў дастаўлены ў цяжкім стане з сваёй рэзідэнцыі на Заходнім беразе ракі Ярдан. Рэзкае пагаршэнне здароўя палітыка паслужыла прычынай чутак пра яго магчымае атручэнне. Аднак шматлікія аналізы, якія праводзілі медыкі з розных краін, не выявілі ў яго крыві
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей5
Каментары