4 ліпеня мужчына па тэлефоне паведаміў у міліцыю, што ён замініраваў дом па вул. Козырава 21-2 у Мінску. Група ж размініравання выбуховак не знайшла. Але давялося эвакуаваць 55 жыхароў дома.
Пазней высветлілася, што пра замініраванне паведаміў 33-гадовы жыхар гэтага ж дома, які знаходзіўся ў стане алкагольнага ап’янення.
Мужчына затрыманы і знаходзіцца ў ізалятары часовага ўтрымання.
Крымінальная справа заведзена па ч.1 арт. 340 КК (загадзя лжывае паведамленне пра небяспеку). Пакаранне прадугледжваецца ад штрафу да пазбаўлення свабоды да пяці гадоў.
Каментары