Паўтарагадовы хлопчык патануў у каналізацыйнай яме
Мама прывяла яго з сабой на ферму.
У Буда-Кашалёўскім раёне паўтарагадовы хлопчык патануў у каналізацыйнай яме, што знаходзіцца каля будынка цялятніка малочна-таварнай фермы сельскагаспадарчага прадпрыемства «Рогінь».
Як паведамілі ў аддзеле Следчага камітэта па Буда-Кашалёўскім раёне, трагедыя здарылася 6 ліпеня ў 20.00. Супрацоўніца фермы прыйшла на працу з двума дзецьмі — трох і паўтара гадоў. Пакуль жанчына паіла цяля, старэйшае дзіця знаходзілася каля яе, а паўтарагадовы хлопчые неўзаметку адышоў і зваліўся ў каналізацыйную яму.
Сцёкавая яма не была абгароджана і знаходзілася сярод высокай травы. Дзіця захлынулася.
Знайшоў яго брат жанчыны, аднак выратаваць хлопчыка не ўдалося.
Следчы камітэт праводзіць праверку па факце гібелі дзіцяці.
Каментары