Яе кошт складае 350 тысяч рублёў.
Памятаеце кнігу «Краіна Беларусь»? Такі вялізны фаліянт, унікальная кніга ў цудоўнай паліграфіі, з выявамі соцень артэфактаў? Друкаваная ў Славаччыне, яна хутка прадалася. Дык вось, маем працяг.Тыя самыя аўтары, пісьменнік Уладзімір Арлоў і мастак Зміцер Герасімовіч, выдалі працяг: «Вялікае Княства Літоўскае» — 400 старонак гісторыі і блізу 2000 ілюстрацый, некаторыя з якіх беларускія чытачы ніколі не бачылі.
Шыкоўна выдадзенае «Вялікае княства» — сапраўдны даведнік па часах ВКЛ і не толькі.Кніга пачынаецца матэрыяламі аб суіснаванні балтаў і славянаў на беларускіх землях, а сканчаецца сённяшнім днём беларусаў у Літве.
«Чытача чакае сустрэча з выдатнымі гістарычнымі асобамі: палітыкамі, военачальнікамі, асветнікамі. — пішуць аўтары. — Кніга знаёміць з жыццём і побытам, вайсковымі перамогамі і культурнымі дасягненьнямі продкаў. На аснове гістарычных фактаў даводзіцца, што найменьні «Літва» і «ліцвіны» на працягу некалькіх стагоддзяў былі назовамі Беларусі і беларусаў».
Арлоў і Герасімовіч абяцаюць, што
кніга зможа зламаць пэўныя гістарычныя стэрэатыпы, а некаторыя звесткі стануць для чытачоў сапраўднай сенсацыяй.
«У адрозненні ад стваральнікаў «Энцыклапедыі Вялікага Княства Літоўскага», мы са Змітром Герасімовічам вырашылі не абмяжоўвацца храналагічнымі межамі існавання ВКЛ, — расказвае Уладзімір Арлоў. — Бо пры такім падыходзе
Калі гадзіннік Вялікага Княства спыніўся, сама ідэя працягвала існаваць.ВКЛ было на кароткі час адноўлена ў 1812 годзе, за вяртанне дзяржаўнасці змагаліся паўстанцы ў 1831 годзе. У пачатку ХХ стагоддзя беларускія нацыянальныя дзеячы на чале з Антонам Луцкевічам выступілі з ідэяй стварэня канфедэрацыі Вялікага Княства Літоўскага.
Ці шмат хто ведае, што 24 верасня 1939 года ў актавай зале Віленскай беларускай гімназіі адбылася ўрачыстасць з нагоды далучэння Вільні да Беларусі «на векі вякоў», дзе прысланыя з Мінска савецкія кіраўнікі выступалі разам з віленскімі беларускімі дзеячамі?Ці пра тое, што пасля выгнання з тэрыторыі СССР нацысцкіх акупантаў, узніклі пэўныя ўмовы для вяртання горада ў склад БССР, у сувязі з чым Літоўская ўрадавая дэлегацыя ездзіла на прыём да Сталіна? Натуральна, ніякіх тэрытарыяльных прэтэнзій да сучаснай Літвы мы не маем…»
Наклад кнігі — 5000 асобнікаў. Набыць «Вялікае Княства» можна ў кнігароў і ў «Акадэмкнізе»,яе кошт — 350 тысяч рублёў, што для выдання такога кшталту, зусім нядорага.
І яшчэ адна сенсацыя ад Арлова і Герасімовіча:
другое дапоўненае выданне кнігі «Краіна Беларусь» выйшла накладам у 3000 асобнікаў і таксамавось-вось з’явіцца ў крамах.
Каментары