Акцыі салідарнасці з беларускімі палітвязнямі ў Лейпцыгу, Цюрыху, Кіеве, Мурманску, Ерэване і Маскве
Гэтыя акцыі будуць працягвацца.
Акцыі ў падтрымку Алеся Бяляцкага і іншых палітвязьняў у Беларусі прайшлі сёньня ў шэрагу самых розных гарадоў сьвету. Так, сваю салідарнасьць выказвалі ў Ляйпцыгу і Цюрыху, Кіеве і Мурманску, Ерэване і Маскве. Гэтыя акцыі будуць працягвацца.
4 жніўня, у гадавіну затрыманьня Алеся Бяляцкага, адзначацца Міжнародны дзень салідарнасьці з грамадзянскай супольнасьцю Беларусі. Міжнародны дзень салідарнасьці з грамадзянскай супольнасьцю Беларусі абвешчаны шырокай кааліцыяй няўрадавых арганізацыяў з розных краін, якія ўваходзяць у «Камітэт міжнароднага кантролю за сытуацыяй з правамі чалавека ў Беларусі». Падтрымку Бяляцкаму і іншым палітвязьням выказваюць замежныя праваабаронцы і арганізацыі.
4 жніўня спаўняецца год з моманту затрыманьня беларускага праваабаронцы Алеся Бяляцкага, віцэ-прэзыдэнта FIDH.
Кіраўнік зачыненага ўладамі праваабарончага цэнтру «Вясна» Алесь Бяляцкі асуджаны на 4,5 года турмы ў лістападзе летась. Яго прызналі вінаватым у нясплаце падаткаў. Праваабаронца сваёй віны не прызнаў і заявіў, што ўсе грошы, атрыманыя на ягоныя рахункі, ішлі на праваабарончую дзейнасьць.
Падставай для крымінальнага перасьледу Бяляцкага стала інфармацыя пра банкаўскія рахункі, якую перадалі афіцыйнаму Менску Літва і Польшча.
Краіны Эўразьвязу, ЗША і міжнародныя праваабарончыя арганізацыі лічаць Бяляцкага палітвязьнем, а прысуд яму — палітычна матываваным. Яны патрабуюць ад уладаў Беларусі вызваліць праваабаронцу.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары