Яе канцэрт пройдзе заўтра ў Літве.
21 жніўня ў Вільні, у Вінгіс парку, адбудзецца канцэрт сусветнай зоркі Lady Gaga.
У туры зорку суправаджае каманда з 200 чалавек, у тым ліку кухары, якія возяць усё неабходнае — у тым ліку і сталовыя прыборы. Прадукты, праўда, плануецца закупляць у мясцовых супермаркетах.
Апаратура для шоу перавозіцца на 55 трэйлерах.
Зорка запрасіла 20 памяшканняў для змены касцюмаў, прычым у іх павінна быць 12 беласнежных канапаў. Адразу за сцэнай павінен быць абсталяваны велізарны ванны пакой. Ва ўсіх памяшканнях павінны знаходзіцца белыя ружы, і паставіць іх трэба ў строгім парадку.
У памяшканні за сцэнай павінен быць звышхуткасны інтэрнэт, каб Lady Gaga магла дзяліцца са сваімі фанамі ўражаннямі пра канцэрт. Патрэбны таксама тэлефон з дротам даўжынёй 10 метраў, з якога можна «маментальна» патэлефанаваць у любое месца.
Літоўскаму персаналу, які будзе працаваць за кулісамі, прыйдзецца падпісаць дамову, у якой строга забараняецца не толькі фатаграфаваць ці здымаць спявачку на відэа, але і наогул распавядаць камусьці пра тое, што яны ўбачылі.
У Вільні Lady Gaga дасць канцэрт 21 жніўня, а ў Рызе — 23 жніўня.
У Вільні ўсе квіткі на канцэрт раскупленыя.
Каментары