Група мінскіх дыгераў вечарам 20 верасня перадала ў СМІ па электроннай пошце паведамленне з удакладненнем акалічнасцяў свайго вызвалення з ліўневай каналізацыі.
«Дыспетчары МНС па нумары 101 з намі размаўляць не захацелі: ці то сувязь падводзіла, ці то нас прымалі за жартаўнікоў. Супрацоўнікі МНС усё ж прыехалі, аднак не туды, куды было трэба, таму што яны не маглі знайсці наша месцазнаходжанне, — зазначаецца ў паведамленні. — За 40 секунд вада ўзнялася з узроўню шчыкалаткі да ўзроўню пояса, мы пастараліся дабрацца да найбліжэйшага люка, думалі, што ён будзе адчынены, каб выбрацца на паверхню, але нам не пашанцавала. Менавіта
Пасля таго як дыгеры падняліся на паверхню ў тым жа самым месцы, дзе спускаліся, на іх мабільны тэлефон паступіла тэлефанаванне ад супрацоўнікаў МНС. Дыгеры адказалі, што выбраліся самі, і паведамілі пра сваё месцаразмяшчэнне, пасля чаго прыехаў нарад міліцыі і машына ратавальнікаў.На асабістым аўтамабілі дыгеры прыехалі ў Цэнтральнае РУУС за машынай міліцыі. «Выказванні некаторых удзельнікаў гэтага „паходу“ на відэа, размешчаным на сайце ГУУС горада Мінска, мы б сказалі, „злёгку“ зманціравана ў „патрэбны“ бок. Далёка не ўсё, што было сказана, увайшло ў гэты відэаролік. Удзельнікамі гэтага мерапрыемства было загадзя вядома аб надвор’і, і, нягледзячы на гэта, было прынята рашэнне спусціцца ў калектар. Мы поўнасцю ўсведамлялі рызыку, на якую ідзем, і разумелі ступень небяспекі, якая чакае нас унізе. Усім маладым людзям споўнілася 18 гадоў, самому малодшаму было 22, а самаму старэйшаму — 26, і называць нас падлеткамі па меншай меры няправільна», — падкрэсліваецца ў паведамленні.
У пэўны момант яны зразумелі, што вялікі паток вады, выкліканы дажджом, можа ўяўляць для іх смяротную небяспеку. Таму маладыя людзі па мабільным тэлефоне выклікалі ратавальнікаў, якія разам з міліцыяй і дасталі іх з каналізацыі.Раней
прэс-сакратар ГУУС Мінгарвыканкама Аляксандр Ластоўскі заявіў, што, паводле папярэдняй інфармацыі, пяцёра маладых мінчан спусціліся ў гарадскую каналізацыю цераз каналізацыйны люк у раёне «МакДональдса» на Нямізе.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»26
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары