З дэкларацыямі аб іх даходах маглі азнаёміцца толькі дэпутаты мясцовых саветаў.
Згодна з беларускім заканадаўствам, кандыдаты ў савет рэспублікі, як і кандыдаты ў палату прадстаўнікоў, павінны прадаставіць дэкларацыю аб даходах і маёмасці. Пра заробкі дэпутатаў ніжняй палаты беларусы маглі даведацца наўпрост на выбарчых ўчастках.
А вось дзе можна ўбачыць, напрыклад, колькі атрымаў за апошні год адзін з самых багатых беларусаў Аляксандр Шакуцін, які трапіў у савет рэспублікі ад Мінска?
Змест дэкларацый агалошваецца для выбарцаў, растлумачыў логіку дзяржавы сакратар ЦВК Мікалай Лазавік. Паколькі ў выбарах у палату прадстаўнікоў бяруць удзел амаль усе беларусы, то і дэкларацыі былі выстаўленыя на агульны агляд.
«А паколькі членаў савета рэспублікі выбіраюць дэпутаты мясцовых саветаў, то і з дэкларацыямі змаглі азнаёміцца толькі яны», —расказаў Лазавік.
Каментары