У Беларусі дзейнічае эфектыўная мадэль размежавання паўнамоцтваў паміж прэзідэнтам і парламентам, лічыць Аляксандр Лукашэнка.
«Аб’ём паўнамоцтваў парламента вызначаны Канстытуцыяй нашай краіны, прынятай на ўсенародным рэферэндуме. Беларускі народ зрабіў прынцыповы выбар на карысць моцнай улады, моцнай прэзідэнцкай рэспублікі», — заявіў ён, выступаючы 11 кастрычніка на заключным сумесным пасяджэнні абедзвюх палат парламента
Рашэнне павярнуць «ад парламенцкай гаварыльні да моцнай дзяржавы», адзначыў Лукашэнка, было прынята самім парламентам у«Гэта ідэя выспела не ў народзе, не ў галаве асобных палітыкаў ці ў галаве Лукашэнкі. Сам парламент адмовіўся ад гэтага, прыняўшы папраўкі ў Канстытуцыю», — падкрэсліў ён.90-х гадах.
Узгадваючы пасяджэнні парламента ў
«Гэта былі гады шумнага парламенцкага балагана. Сесіі Вярхоўнага Савета праходзілі бурна і весела, але ці было весела ад гэтай бясконцай балбатні нашым людзям, якія месяцамі не атрымлівалі зарплат і пенсій, замярзалі ў сваіх дамах і не ведалі, што будзе заўтра? Улада не павінна весяліць народ».
Паводле слоў Лукашэнкі, на першым месцы для ўлады «павінна стаяць не слова, а справа». «Яна павінна абараніць людзей і даць магчымасць зарабіць сабе на годнае жыццё», — заявіў кіраўнік дзяржавы.
Ён нагадаў пра спробы шэрагу еўрапейскіх краін пабудаваць дзяржаву праз парламенцкія працэдуры, узгадняючы пры гэтым інтарэсы партый, палітыкаў і алігархаў. Паводле меркавання Лукашэнкі, «ні ў адной краіне свету, ні ў адну гістарычную эпоху» гэтыя спробы не мелі поспеху. Толькі моцная ўлада здольная стварыць падмурак для з’яўлення маладых нацый і дзяржаў і забяспечыць магчымасць мадэрнізацыі, перакананы Лукашэнка.
На парадку дня, паводле слоў Лукашэнкі, стаіць «каласальная гістарычная задача — мадэрнізацыя краіны, прарыў Беларусі ў элітны клуб высокаразвітых краін».Ён лічыць, што мадэль беларускай дзяржаўнасці не вычарпала сваіх магчымасцяў.
Каментары