N.R.M. (без Вольскага) падалі заяўку на беларускі адбор у «Еўрабачанні»
Легендарны беларускірок-гурт N.R.M. нечакана для ўсіх адправіў заяўку на ўдзел у беларускім адборы на конкурс «Еўрабачанне 2013». «Мы хочам удзельнічаць і перамагчы», — кажа Піт Паўлаў.
N.R.M. адправілі сваю новую песню «Кузнічка» і пакет неабходных дакументаў 22 кастрычніка, у апошні дзень прыёму заяваў для ўдзелу ў конкурсе. «Мы даведаліся літаральна ў пятніцу, што зараз ідзе адбор. Пакуль вырашалі, пакуль прайшлі нашыя ўнутраныя бюракратычныя працэдуры, як раз наступіў апошні дзень. Але і гэта сімвалічна: у апошнюю секунду, у апошні вагон адыходзячага цягніка… Мы заўсёды ўсё так робім», — кажа Піт Паўлаў.
Новая песня — «Кузнічка» — гэта стылізацыя пад народную песню. «Гэта звычайная бытавая гісторыя пра любоўную інтрыжку паміж кавалём і кабетай, — распавядае Піт. — Сюзана, ці проста Зюзечка, звярнулася да маладога прыгожага каваля, каб ён абуў ёй конечка, і паміж імі завязалася палкае каханне. Чым скончылася гісторыя — невядома, але, магчыма, і вяселлем».
Паўфінал адбору, дзе галасуе толькі журы, запланаваны на сярэдзіну лістапада. Сам фінал, дзе ўжо галасаваць будуць і гледачы, пройдзе 7 снежня ў студыі Белтэлерадыёкампаніі.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»26
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары