У ГУУС Мінгарвыканкама паведамілі, што затрыманы малады чалавек падазраецца ў махлярстве. Ён размяшчаў у інтэрнэце свае прапановы па здачы кватэры, якія таксама знаходзіў у сеціве. Але часам пазначаў выдуманыя адрасы.
Па адным з такіх адрасоў знаходзіўся гараж.
Пры сустрэчы з патэнцыйнымі наймальнікамі лжэ-рыэлтар прасіў у іх перадаплату — 400-500 тысяч рублёў. Калі ён папярэдне дамаўляўся з гаспадарамі сапраўднай кватэры, кватаранты засяляліся. А бывала, што ён знікаў разам з грашыма, і людзі заставаліся на вуліцы.
Як высветлілася, малады чалавек сапраўды працаваў рыэлтарам. Але застаўся без працы, калі яго агенцтва зачынілася.
Пакуль выяўленыя чатыры пацярпелыя.
Але не выключана, што іх было больш.
Партызанскае РУУС Мінска шукае тых, хто мог стаць ахвярай чалавека на фота. Тэлефанаваць на нумар (017) 230-34-34 альбо звяртацца па адрасе: зав. Стаханаўскі, 5.
Маладога чалавека па падазрэнні ў аналагічных злачынствах шукала і Цэнтральнае РУУС Мінска.
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі7
Каментары