У Канах адкрыўся юбілейны, 60-ы кінафэст
У конкурсе прадстаўленыя карціны Вонга Кар Вая, Эміра Кустурыцы, Квэнціна Таранціны, Гаса Ван Сэнта, Дэйвіда Фінчэра, Катрын Брэі, братоў Коэнаў.
16 траўня ў Канах адкрыўся юбілейны міжнародны кінафэст. Сёлета сама значны сусьветны кінафорум сьвяткуе сваё 60-годзьдзе.
Сам Канскі фэст мусіў зьявіцца на сьвет 1 верасьня 1939 году, але дзень народзінаў прыйшлося адкласьці на пасьляваенны час.
За 60 гадоў гледачоў і гасьцей фэсту цкавалі тыграмі (1957 год, прадусар Майкл Тод рэклямаваў сваю стужку); вывозілі на карэтах хуткай дапамогі (2002, пасьля фільму Гаспара Наэ “Незваротнасьць”); актрысу Грэйс Келі сваталі за князя Манака (1955, пасьпяхова), а рэжысэра Жана-Люка Гадара закідвалі тартамі (1985). Рэжысэр Майкл Мур далучаўся да акторскага страйку (2004), а другія “прагрэсіўныя кінэматаграфісты” зрывалі фэст у 1968-ым.
Але галоўнымі ў Канах застаюцца фільмы; сам фэст мае вызначальны ўплыў на кінапрацэс.
У юбілейнай праграме прадстаўлены 22 стужкі.
Фэст адкрыўся конкурснай стужкай Вонга Кар Вая “Сунічныя ночы” з акторам Джудам Лоў і джазавай сьпявачкай Норай Джонз.
Эмір Кустурыца прывёз карціну “Абяцай мне гэта”, Кім Кі Дук - “Уздых”, Гас Ван Сэнт – “Параноід Парк”, Дэйвід Фінчэр прадставіў “Задыяк”, браты Коэны – “Для старых тут месца няма”, а турэцкі рэжысэр Фаціх Акін – стужку “Зь іншага боку”.
Скандальная порнафэмініска Катрын Брэя фігуруе ў конкурсе са “Старой палюбоўніцай”, расеец Аляксандар Сакураў – з “Аляксандрай”, а ягоны суайчыньнік Андрэй Зьвягінцаў – з “Выгнаньнем”.
Квэнцін Таранціна падрыхтаваў для фэсту “Доказ сьмерці” – другую частку “Грындхаўса”, створанага ім разам з Радрыгезам.
Па-за конкурсам Майкл Мур пакажа праўдалюбскую стужку “Сайка”. А ягоны галівудзкі калега Стывэн Содэрбэрг ладзіць прэм’еру “13 сябрам Оўшэна” (на прэм’еры чакаюцца Джордж Клуні, Мэт Дайман, Аль Пачына і Брэд Піт).
Селёта Каны будуць ушаноўваць Марціна Скарсэзэ, у якога ёсьць права даць майстар-клясу для абранае публікі.
А адмысловым сюрпрызам станецца зьнятая да юбілею зборная стужка 35 рэжысэраў: Раман Палянскі, Вім Вэндэрз, Андрэй Канчалоўскі, Вонг Кар Вай дый іншыя зрабілі па 3 хвіліны “прызнаньня любові да кіно”.
Кінафэст працягнецца да 27 траўня.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам8
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1818
Каментары