рызыкуе стаць дэманстрацыяй партыйных слабасьцяў. Калі 26 і 27 мая ў палацы культуры МАЗу палітычным лідэрам удасца стрымаць сваіх прыхільнікаў ад эскаляцыі ўнутрыкааліцыйнага канфлікту, гэта ўжо можна будзе лічыць посьпехам.
Правядзеньне другога Кангрэсу дэмакратычных сілаў неаднаразова адкладалася. Першапачаткова плянавалася правесьці яго яшчэ перад Днём Волі, у сакавіку. Пазьней лідэр камуністаў Сяргей Калякін настойваў, каб Кангрэс адбыўся 21-22 красавіка — таксама ня выйшла. Урэшце, было прынятае рашэньне, што дэмакраты зьбяруцца 26-27 траўня, на гэты раз канчатковае.
Доўгі час не было яснасьці і з памяшканьнем, дзе адбудзецца Кангрэс. Ці дазволяць правесьці яго ў Менску? Улады трымалі паўзу. Разглядаліся варыянты за мяжой — Літва, Украіна, Расея. Аднак ужо ў сярэдзіне траўня з волі Лукашэнкі Кангрэс пагадзіўся прыняць Палац культуры МАЗу.
Асноўнае пытаньне Кангрэсу заключаецца ў тым, ці варта выбіраць на ім адзінага лідэра апазыцыі (на гэтым настойвае Мілінкевіч), ці кіраваць мусіць калегіяльная рада сустаршыняў у складзе пяці чалавек. Другі падыход перамог на рэгіянальных сходах удзельнікаў Кангрэсу.
А.Мілінкевіч адразу заявіў, што не зьбіраецца вылучаць кандыдатуру ў сустаршыні дэмакратычнай кааліцыі. Ён лічыць, што такі спосаб кіраўніцтва будзе азначаць для апазыцыі крок назад. Мілінкевіч зьбіраецца засяродзіцца на тварэньні «Руху «За Свабоду».
Разам з тым, А.Мілінкевіч ня будзе ігнараваць Кангрэсу. Палітык выступіць на ім з плянам стратэгіі дзеяньня апазыцыі. Стратэгію, якую прапануе Палітрада, Мілінкевіч лічыць малаэфэктыўнай. Ён будзе выступаць за прыняцьце стратэгіі «Эўрапейскай кааліцыі», якая прадугледжвае «больш актыўную працу зь людзьмі, правядзеньне вулічных акцыяў, а не кабінэтную працу».
Дэлегатамі другога Кангрэсу стануць актывісты апазыцыі, якія сёлета падчас мясцовых выбараў назьбіралі па 300 подпісаў у сваю падтрымку.
Разам з тым, палітрада спачатку адмовіла ва ўдзеле ў Кангрэсе VIP-пэрсонам — пісьменьнікам, прадстаўнікам інтэлігенцыі, навукоўцам, абаронцам Плошчы. Было адмоўлена ва ўдзеле «маладафронтаўцам» Насьці Палажанцы і Зьмітру Хведаруку, суд над якімі пачынаецца на наступны дзень пасьля паседжаньня. Гэта выклікала рэзкую крытыку Мілінкевіча, які назваў мерапрыемства «кангрэсам партыйных сілаў».
Урэшце партыйцы зьлітаваліся і пагадзіліся такі на ўдзел 27 інтэлектуалаў на чале з Барадуліным і Арловым. Пытаньне толькі, ці пагодзяцца пасьля такога дзеячы інтэлігенцыі прыйсьці на форум?
Паводле папярэдніх падлікаў, колькасьць прыхільнікаў Мілінкевіча складае меншасьць. Аднак на ягоным баку аўтарытэт вызваленых Паўла Севярынца і Міколы Статкевіча, якія рашуча падтрымліваюць прапановы экс-кандыдата ў прэзыдэнты. Высокі маральны аўтарытэт палітвязьняў будзе стрымліваць партыйных бонзаў.
Рэгістрацыя дэлегатаў і гасьцей пачнецца ў суботу 26 траўня а 9.00. Адкрыцьцё Кангрэсу заплянаванае на 13.00. З дакладамі мусяць выступіць Аляксандар Мілінкевіч, Сяргей Калякін, Анатоль Лябедзька, прадстаўнік Казуліна. Пазьней пачнуцца выступы дэлегатаў і гасьцей форуму А 20.00 скончыцца праца першага дня форуму.
Назаўтра праца пачнецца а 9.30. Будзе галасаваньне адносна стратэгіі і праграмных дакумэнтаў дэмсілаў, будзе зацьверджаная палітрада. А 15-й Кангрэс скончыць працу.
Праз супярэчнасьць пазыцый гэты Кангрэс мае мала шанцаў вырашыць прынцыповыя мэты. Калі палітычным лідэрам удасца зацугляць уласныя амбіцыі і стрымаць сваіх прыхільнікаў ад эскаляцыі ўнутрыкааліцыйнага канфлікту, гэта ўжо можна будзе лічыць посьпехам.
«Калаўра мы не пакрыўдзілі»: стала вядома пра новае месца працы былога старшыні Нацбанка3
Каментары