Дзяржаўны абвінаваўца просіць прыгаварыць вядомага выканаўцу Віктара Каліну да шасці гадоў пазбаўлення волі, яго жонку Святлану Каліну — да пяці. Як паведаміў БелаПАН адвакат В.Каліны Алег Дубавец, гэтае рашэнне было агучана 5 чэрвеня на пасяджэнні суда Першамайскага раёна сталіцы.
Нагадаем, слуханне па справе В.Каліны і яго жонкі пачалося 29 мая. Віктару Каліне інкрымінуюцца махлярскія дзеянні, якія ён учыніў для атрымання страхоўкі за нібыта выкрадзены аўтамабіль. В.Каліна абвінавачваецца ў арганізацыі махлярства ў асабліва буйным памеры (ч. 4 арт. 16 і ч. 4 арт. 209 КК), арганізацыі заведама падманнага даносу (ч. 4 арт. 16 і ч. 2 арт. 400 КК) і заведама падманным паказанні (ч. 2 арт. 401 КК). Святлана Каліна абвінавачваецца ва ўчыненні махлярства ў асабліва буйным памеры (ч. 4 арт. 209 КК).
Паводле слоў дзяржаўнага абвінаваўцы, муж і жонка прадалі аўтамабіль «Мерседэс‑Бенц», а пазней заявілі аб яго выкраданні ў Маскве ў праваахоўныя органы Расійскай Федэрацыі. Жонка спевака была затрымана ў Мінску пры атрыманні страхоўкі за нібыта выкрадзеную машыну.
На судзе 29 мая В.Каліна заявіў аб сваёй невінаватасці ў махлярстве. Ён прызнаў віну толькі ў тым, што часткова даваў заведама падманныя паказанні. Яго жонка не прызнала сваю віну поўнасцю.
Паводле слоў адваката, прыгавор па справе В.Каліны і яго жонкі будзе абвешчаны 12 чэрвеня.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары