“Апошні сьведка” і цуды пасьля прэм’еры
Увечары другога дня на фэсьце паказалі фільм пра Катынь. Трэці дзень фэстывалю – сьведчыць пра цуды.
Увечары 21 чэрвеня на кінафэсьце “Magnificat-2007” паказалі польскі фільм “Апошні сьведка” пра адзінага чалавека, які застаўся ў жывых пасля Катынскай трагедыі. Прафэсар Віленскага унівэрсытэту Станіслаў Сьвяневіч, пазьбегнуў сьмерці і лічыў сваім хрысьціянскім абавязкам захаваць усю праўду пра мінулае.
Раніца 22 чэрвеня распачалася з прэс-канфэрэнцыі па праграме папярэдніх дзён. Стваральнікі фільмаў адказалі на пытаньні гледачоў і прэсы. Высьветлілася, што стужкі, прадстаўленыя на фэстывалі – мелі працяг у рэальным жыцьці.
Рэжысёр Уладзімір Казлоў распавёў, што пасьля прэм’еры карціны “Руская сястрычка з абацтва Сільванэс” на царкву, пабудаваную дамініканскімі манахамі, знайшліся грошы, каб захаваць ад чужога клімату.
Героя “Крышталёвага хлопчыка” – маленькага Сашу з невылечнаю цяжкой хваробай, усынавілі. “І гэта сапраўдны цуд, – кажа рэжысэр Аляксандр Цяпаў. – Бацькі, у якіх ужо ёсьць двое дзетак, вельмі любяць свайго новага сына, а Саша любіць іх.”
А ў вёску Благавешчаньне, дзе жыве сьляпая манахіня Ганна, гераіня стужкі “Паміж небам і зямлёй”, адзіная прыхаджанка храма, – пачалі вяртацца людзі.
Фэстываль “Magnificat” праягваецца ў мястэчку Івесь, дзе, па зьвестках беларускіх картографаў, знаходзіцца цэнтар Эўропы.
Была паказаная польская стужка “Горад на рацэ Чорнага Цмока” пра місіянераў-вэрбістаў у Благавешчанску. Італьянская карціна “У Сіракузах, дзе Марыя плакала” – унікальнае расьследаваньне цуду, зафіксаванага кінакамэрамі. Фільм “Адкрыты горад” пра прыезд Бенэдыкта XVI у Польшчу зьнятая 411 аператарамі – сьведкамі і ўдзельнікамі падзей.
Пасьля абеду будзе закладзеная Алея фестывалю з 14 каштанаў па колькасьці краінаў, прадстаўленых на фэсьце.
Заплянаваная прэм’ера канадзкае стужкі “Шлях Маклюэна” пра хрысьціянскія карані сьветапогляду слыннага мэдыйнага філёзафа.
Цяпер чытаюць
Памерла палітзняволеная Алена Панкова. Паўгода назад яе асудзілі за ўдзел у пратэстах5
Каментары