Ва Украіне рэкордна знізіліся цэны на газ для насельніцтва. З пачатку года — на 51%
Аптовая цана на газ для насельніцтва і вытворчасці ва Украіне ў маі зменшылася на 21 працэнт у параўнанні з красавіком, паведамляе «Економічна правда».
Пры гэтым з пачатку года цэны знізіліся яшчэ больш рэзка — на 51 працэнт у параўнанні са студзенем і на 62 працэнты ў параўнанні з тым жа перыядам 2019 года.
У «Нафтагазе» патлумачылі такую дынаміку абвальваннем цэн на энерганосьбіты. На фоне сусветнага крызісу цана газу ў маі ў Еўропе дасягнула гістарычнага мінімуму за апошнія 10 гадоў.
Кошт газу для насельніцтва і вытворчасці склаў 2,3 грыўні за кубаметр, або 85 даляраў за тысячу кубаметраў, без уліку ПДВ і выдаткаў на транспарціроўку паліва.
Беларусь купляе газ у Газпрама за 127 даляраў за тысячу кубаметраў. Для беларускіх спажыўцоў гэтая цана яшчэ вышэйшая.
Цяпер чытаюць
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам1
Каментары